كەدەي نەمەسە باي: كىمدەردىڭ ونكولوگيالىق اۋرۋعا شالدىعۋ قاۋپى جوعارى?

فوتو: adresnie-tablichki.ru

الەۋمەتتىڭ قاي ساناتىنىڭ ونكولوگيالىق اۋرۋعا شالدىعۋ قاۋپى جوعارى? بۇل سۇراقتىڭ جاۋابىن فينليانديالىق عالىمدار ىزدەپ كوردى, – دەپ حابارلايدى Massaget.kz تىلشىسى.

عالىمدار جۇرگىزگەن زەرتتەۋلەر قاتەرلى ىسىكتىڭ دامۋى ادامنىڭ جىنىسى مەن جاسىنا عانا ەمەس, الەۋمەتتىك-ەكونوميكالىق جاعدايىنا دا بايلانىستى ەكەنىن راستايدى. SNWS باسىلىمىنىڭ مالىمەتىنشە, بىرقاتار اۋرۋدىڭ پايدا بولۋى تابىس دەڭگەيىمەن بايلانىستى.

فينليانديا ساراپشىلارى 35 پەن 80 جاس ارالىعىنداعى 280 مىڭ ادامنىڭ دەرەكتەرىن تالدادى.

الەۋمەتتىك-ەكونوميكالىق جاعدايى جوعارى ادامداردا ءسۇت بەزى, پروستاتا جانە ونكولوگيانىڭ باسقا تۇرلەرىنىڭ دامۋ قاۋپى جوعارى ەكەنى انىقتالدى.

الايدا, بۇل تابىسى تومەن ادامداردىڭ دەنى ساۋ بولادى دەگەندى بىلدىرمەيدى, ولار قانت ديابەتى, ارتريت, دەپرەسسيا, الكوگوليزم جانە وكپە قاتەرلى ىسىگىنە كوپ شالدىعادى.