Kedeı nemese baı: kimderdiń onkologııalyq aýrýǵa shaldyǵý qaýpi joǵary?

Foto: adresnie-tablichki.ru

Áleýmettiń qaı sanatynyń onkologııalyq aýrýǵa shaldyǵý qaýpi joǵary? Bul suraqtyń jaýabyn fınlıandııalyq ǵalymdar izdep kórdi, – dep habarlaıdy Massaget.kz tilshisi.

Ǵalymdar júrgizgen zertteýler qaterli isiktiń damýy adamnyń jynysy men jasyna ǵana emes, áleýmettik-ekonomıkalyq jaǵdaıyna da baılanysty ekenin rastaıdy. SNWS basylymynyń málimetinshe, birqatar aýrýdyń paıda bolýy tabys deńgeıimen baılanysty.

Fınlıandııa sarapshylary 35 pen 80 jas aralyǵyndaǵy 280 myń adamnyń derekterin taldady.

Áleýmettik-ekonomıkalyq jaǵdaıy joǵary adamdarda sút bezi, prostata jáne onkologııanyń basqa túrleriniń damý qaýpi joǵary ekeni anyqtaldy.

Alaıda, bul tabysy tómen adamdardyń deni saý bolady degendi bildirmeıdi, olar qant dıabeti, artrıt, depressııa, alkogolızm jáne ókpe qaterli isigine kóp shaldyǵady.