“KEGOC” AQ: Top-menedjerler ótken jyly 322,9 mln teńgeden astam syıaqy alǵan

Foto: ashyq derekkóz

О́tken jyly AQ-nyń taza paıdasy 60%-ǵa artqan. Taza paıda  – 42,7 mlrd teńgeni quraǵan, dep habarlaıdy  Qandastar.kz.

“KEGOC” AQ atqarýshy organy múshelerine 322,9 mln teńgeden astam qarjy tólegen. Bul týraly kompanııa Qazaqstan qor bırjasyna usynǵan qujatta kórsetken.

“KEGOC” AQ atqarýshy organ músheleriniń 2023 jylǵy jıyntyq syıaqysy 322 867 850,52 (úsh júz jıyrma eki mıllıon segiz júz alpys jeti myń segiz júz elý teńge elý eki tıyn) teńgeni qurady”, – dep jazylǵan habarlamada.

Bul rette kompanııa top-menedjerleriniń jalaqysy eskerilgen.

Kompanııanyń basqarma quramy bes músheden turady: basqarma tóraǵasy Nábı AITJANOV, basqarma tóraǵasynyń orynbasary Baqytjan JAZYQBAEV, kadrlar, quqyqtyq qamtamasyz etý jáne táýekelder jónindegi basqarýshy dırektor Tólegen SAFÝANI, ekonomıka jáne qarjy jónindegi basqarýshy dırektor Aıgúl ÁKIMBAEVA jáne strategııa jáne turaqtylyq jónindegi basqarýshy dırektor Elvıra KONAHBAEVA.

Bes músheniń árqaısysy ótken jyldyń sońynda 64,574 mln teńge nemese aıyna 5,4 mln teńge alǵan.