كەي وڭىردە +38°س-قا دەيىن ىستىق بولادى

سينوپتيكتەر 2025 جىلعى 9 شىلدە, سارسەنبى كۇنى قازاقستاندا اۋا رايى قانداي بولاتىنىن حابارلادى, دەپ حابارلايدى Qandastar.kz.

«قازگيدرومەت» رمك مالىمەتىنشە, كۇندىز مىنا وڭىرلەردە قاتتى ىستىق كۇتىلەدى:

• باتىس قازاقستان, الماتى, جەتىسۋ وبلىستارى مەن اقتوبە وبلىسىنىڭ وڭتۇستىگىندە – +35°س دەيىن,

• اتىراۋ وبلىسىندا – +35…+37°س,

• ماڭعىستاۋ وبلىسىنىڭ وڭتۇستىگىندە – +38°س دەيىن.

سينوپتيكتەردىڭ بولجامىنا ساي:

«اتموسفەرالىق فرونتتار ەلدىڭ سولتۇستىگى, وڭتۇستىگى, وڭتۇستىك-شىعىسى مەن ورتالىعىندا تۇراقسىز اۋا رايىن قالىپتاستىرىپ, نايزاعايلى جاڭبىر جاۋادى. سولتۇستىكتە قاتتى جاڭبىر جاۋى مۇمكىن, كۇندىز بۇرشاق جاۋ ىقتيمالدىعى بار. ال قالعان وڭىرلەردە انتيتسيكلون اسەرىنەن جاۋىن-شاشىنسىز اۋا رايى كۇتىلەدى. ەل بويىنشا جەل كۇشەيىپ, سولتۇستىك پەن وڭتۇستىك-شىعىستا داۋىلدى جەل, ال تۇندە جانە تاڭەرتەڭ سولتۇستىك پەن سولتۇستىك-باتىستا تۇمان بولادى».

سونداي-اق, سينوپتيكتەر ءورت قاۋپى جوعارى ايماقتاردى اتادى:

جوعارى ءورت قاۋىپى:

• ماڭعىستاۋ, اتىراۋ,

• الماتى وبلىسىنىڭ شىعىسى,

• شىعىس قازاقستان وبلىسىنىڭ وڭتۇستىگى مەن ورتالىعى,

• باتىس قازاقستان وبلىسىنىڭ باتىسى مەن وڭتۇستىگى,

• قاراعاندى وبلىسىنىڭ ورتالىعى,

• ۇلىتاۋ وبلىسىنىڭ وڭتۇستىگى, شىعىسى مەن ورتالىعى,

• اقمولا وبلىسىنىڭ باتىسى مەن سولتۇستىگى,

• اقتوبە وبلىسىنىڭ وڭتۇستىگى مەن وڭتۇستىك-شىعىسى.

توتەنشە ءورت قاۋىپى:

• جامبىل, قىزىلوردا, تۇركىستان,

• جەتىسۋ وبلىستارى,

• الماتى وبلىسىنىڭ سولتۇستىگى, باتىسى, وڭتۇستىگى مەن ورتالىعى,

• قاراعاندى وبلىسىنىڭ باتىسى, وڭتۇستىگى جانە شىعىسى,

• اقتوبە وبلىسىنىڭ ورتالىعى,

• ماڭعىستاۋ وبلىسىنىڭ سولتۇستىك-باتىسى,

• قوستاناي وبلىسىنىڭ وڭتۇستىك-باتىسى,

• اباي وبلىسىنىڭ وڭتۇستىگى.