Keıbir qazaq jastary arabtardyń aıaǵyn súıip júr – Nurlan ımam

Foto: ashyq derekkóz

Astanadaǵy Ryskeldi qajy atyndaǵy meshittiń bas ımamy, belgili teolog Nurlan Baıjigituly Qasqa Jol YouTube arnasyna bergen suhbatynda qara jamylyp júretinderdi synap tastady, dep habarlaıdy qandastar.kz Politico.kz saıtyna silteme jasap. 

Nurlan ımam óz sózinde qazir keıbir jastar arabtardyń qol-aıaǵyn súıip júrgenin aıtty.

Qazaq ilespe halyqpyz. Erip kete beremiz. Ásirese, qınalǵan sátte bireý bizge kelip, baǵyt-baǵdar berse, sonyń aıtqanymen júrip ketemiz. Ata-babalarymyzdyń kúndelikti ómiri dıalektimizge, súıegimizge sińip ketken. «Álipti taıaq dep tanymaıdy» degen sóz de solardan kelgen. Bul – bizdiń bolmys. Arab bolyp ketken joq. Kıimimen, shekpenimen, eldi-jerdi saqtap qaldy. Ultqa, elge degen mahabbat bir jerge jınalyp turdy. Din rýhanııattanyp turdy. Burylyp, arabty súı degen joq. Qazir keıbir jastar arabtardyń qolyn, aıaǵyn súıip júr. Elińdi súı, jerińdi súı, dalanyń jýsanyn súı, sol artyǵyraq, – dedi ol.

Nurlan Baıjigituly sondaı-aq Qazaqstan ıslam memleketi emes ekenin, sol sebepti qara kıinýge qarsy ekenin ashyp aıtty.

Bilesiz be, TMD elderiniń ishinde bizdiń memleket qana qyz-kelinshekterge oramalmen tólqujatqa túsýge ruqsat bergen. Bul – Konstıtýııalyq quqyǵyn erkin qorǵaǵan memleket degen sóz. Bizdiń elde qara kıingenderdi júrgizbek túgili, qushaqtap jatqyzsa da, qabyldamaımyz. Men ózim Qazaqstannyń azamaty retinde qabyldamaımyn. Qara kıinýge qarsymyn. Biz – zaıyrly memleketpiz, Islam memleketi emespiz, – dep synady Nurlan Baıjigituly.