«كەيىن بۇل ىسىنە وكىندى». ۇلتتىق قۇرامانىڭ بۇرىنعى باس باپكەرى داۋلەت تۇرلىحانوۆقا قاتىستى ويىن ايتتى

فوتو: فوتوكوللاج

ۇلتتىق قۇرامانىڭ بۇرىنعى باس باپكەرى تۇرسىنعالي ەدىلوۆ «ۋاقىت كورسەتەدى» youtube-ارناسىنا بەرگەن سۇحباتىندا باس باپكەرلىكتەن الىپ تاستاعان داۋلەت تۇرلىحانوۆقا قاتىستى ويىن ايتتى, – دەپ حابارلايدى Massaget.kz تىلشىسى.

ونىڭ ايتۋىنشا, داۋلەت تۇرلىحانوۆ كەيىن بۇل ىسىنە وكىنگەن.

«باس باپكەرلىكتەن مەنى الىپ تاستاعان داۋلەت تۇرلىحانوۆ. نەلىكتەن ونداي قادامعا بارعانىن بىلمەيمىن. مۇنى ەسكە العىم كەلمەيدى. داۋلەت قازاقتىڭ كەرەمەت ازاماتى. ءبىز ونىمەن تۋعان قۇدامىز, تۋىسپىز. قايرات ءىنىم داۋلەتتىڭ قارىنداسىن جار ەتىپ العان ەدى. مەنىڭ ۇنامايتىن جەرىم بار شىعار. رەنىش جوق. ادام بولۋىمىز كەرەك قوي. قانشاما ەڭبەك ەتىپ, تالاي ازاماتتى شىعاردىق. ەل مۇنى ەستىگىسى كەلمەيدى, كورگىسى كەلمەيدى. سەبەبى ءبىزدىڭ قازاق قىزعانشاق, ءىشى تار. كەيىن داۋلەت تۇرلىحانوۆ ماعان «بەكەر ولاي ىستەدىم» دەپ وكىنەتىنىن ايتتى. ءبىز داۋلەتپەن ءبىر-ءبىرىمىزدى بۇرىننان بىلەتىنبىز. تالاي تالونمەن تاماق ىشەتىنبىز. داۋلەتتى قالاي جاماندايىن», – دەدى ول.