كەلەر جىلدان باستاپ شتاتتان تىس ىستەيتىن قىزمەتكەرلەر دەكرەتكە شىعىپ, الەۋمەتتىك تولەم الا الادى

فوتو: اشىق دەرەككوز

2025 جىلدان باستاپ كەلىسىمشارتپەن جۇمىس ىستەيتىن ازاماتتاردىڭ قۇقىعى شتاتتاعى رەسمي قىزمەتكەرلەرمەن تەڭ بولادى. بۇل تۋرالى  qandastar.kz  Stan.kz اقپارات اگەنتتىگىنە سىلتەمە جاساپ حابارلايدى.

ەندى جۇمىس بەرۋشىلەر شتاتتان تىس قىزمەتكەرلەرى ءۇشىن دە الەۋمەتتىك تولەمدەر اۋدارىپ, دەكرەتتىك دەمالىس, جۇمىسسىزدىق بويىنشا جاردەماقى مەن مەملەكەتتىك الەۋمەتتىك ساقتاندىرۋ قورىنان تولەنەتىن وزگە دە تولەمدەردى وتەيدى.

بۇل جاڭاشىلدىق ازاماتتىق-قۇقىقتىق سيپاتتاعى شارت بويىنشا جۇمىسقا تۇرعان ءاربىر قازاقستاندىققا قاتىستى. باستاما وسىدان 2 جىل بۇرىن قولعا الىنعان.

الەۋمەتتىك كودەكستەگى وزگەرتۋلەر ەندى 2025 جىلدىڭ 1 قاڭتارىنان باستاپ كۇشىنە ەنۋى ءتيىس. ايتا كەتسەك, ازىرگە شتاتتان تىس قىزمەتكەرلەرگە مەملەكەتتىك الەۋمەتتىك ساقتاندىرۋ قورىنان تولەمدەر اۋدارىلمايدى.