Keler jyly qoldanysqa enetin oqýlyqtardyń jobasy talqylaýǵa shyǵaryldy

Foto: Halyq Uni

2025-2026 oqý jylynda qoldanysqa engiziletin 4-synyptarǵa arnalǵan oqýlyqtar qoǵamdyq talqylaýǵa shyǵaryldy, dep habarlaıdy  qandastar.kz  Halyq Uni-ne silteme jasap.

Talqylaýǵa qatysý úshin bilim mazmunyn saraptaý ortalyǵynyń https://bmso.kz saıtyndaǵy «Oqý ádebıetterin qoǵamdyq talqylaý» bólimine ótý kerek. Onda kelesi pánder boıynsha oqýlyqtardyń mazmunymen tanysýǵa bolady: «Orys tili» (oqytý qazaq tilinde júrgiziletin mektepter úshin); «Eńbekke baýlý», «Beıneleý óneri», Shet tilderi (aǵylshyn, nemis, franýz), sondaı-aq «ıfrlyq saýattylyq» boıynsha elektrondy oqýlyq nusqalary.

Oqý-aǵartý mınıstrligi talqylaýǵa muǵalimder, ata-analar, qoǵamdyq uıymdardyń ókilderi men mektep oqýlyqtarynyń sapasyna beı-jaı qaramaıtyn barlyq azamattar qatysa alatynyn jetkizdi. Barlyq kelip túsken syn-eskertpeler, men oqýlyqtardyń sapasy men mazmunyn jaqsartýǵa qatysty usynystar saraptama barysynda eskeriledi. Talqylaý 30 qyrkúıekke deıin jalǵasady.

Atap ótý kerek, qoldanystaǵy zańnama boıynsha búginde oqýlyqtar saraptamanyń bes kezeńinen ótedi: ǵylymı-pedagogıkalyq saraptama, oqýlyqtardy pılottyq mektepterde synaqtan ótkizý, qoǵamdyq-pedagogıkalyq talqylaý, pándik saraptalyq komıssııanyń qaraýy. Qazirgi ýaqytta atalǵan oqýlyqtar qoǵamdyq talqylaýmen qatar, elimizdiń birneshe óńirlerinde 31 pılottyq mektepte synaqtan ótip jatyr. Ǵylymı-pedagogıkalyq saraptamaǵa ǵalymdar men biliktilik sanaty «zertteýshi pedagogten» tómen emes praktık-muǵalimder tartylady. Sarapshylar arnaıy oqý kýrsynan ótip, sarapshy sertıfıkatyn alǵan jáne respýblıkalyq sarapshylar bazasyna engen. Osyndaı joǵary talaptar synaq jáne pándik saraptalyq komıssııa qatysýshylaryna da qoıylady, – delingen mınıstrlik habarlamasynda.

Pándik saraptama komıssııasynyń sheshimimen saraptamanyń barlyq kezeńderinen ótken oqýlyqtar mektepterde paıdalaný úshin jáne mınıstrlik bekitetin oqýlyqtar tizbesine engizý úshin usynylady.