«Keleshek urpaqtyń batyry sen bolýyń kerek» — GGG Jánibek Álimhanulymen kezdesip, qoldaý bildirdi

Orta salmaqta WBO jáne IBF tujyrymdary boıynsha álem chempıony, qazaqstandyq boksshy Jánibek Álimhanuly óziniń aty ańyzǵa aınalǵan jerlesi Gennadıı Golovkınmen kezdesýinen vıdeo jarııalady. Bul týraly Qandastar.kz habarlaıdy

Negizi Álimhanuly men GGG-diń júzdesýi sáýir aıynda ótken, sol kezde «Qazaq stıli» áleýmettik jelidegi paraqshasynda «Aǵammen búgingi jarqyn kezdesý» dep jazyp, Golovkındi belgilegen edi. Alaıda júzdesýdiń beınejazbasy búgin jarııalandy.

Kezdesý barysynda Golovkın izbasaryna úlken senim artyp:

«Elimiz qazir naǵyz batyrlarǵa muqtaj. Jakúıerlerdi tańerteń erte uıqysynan oıatatyn býynnyń biri men bolsam, sen – kelesi býynsyń. Sen bárin baǵyndyra alasyń. Keleshek urpaqtyń batyry sen bolýyń kerek», – dedi ol.

Eske salsaq, bıyl Astanada ótken boks keshinde Jánibek Álimhanuly IBF jáne WBO chempıondyq belbeýlerin kezekti ret qorǵap, franýz Anýael Ngamıssengeni besinshi raýndta nokaýtpen jeńgen bolatyn.

Al Gennadıı Golovkın qazirgi ýaqytta QR Ulttyq Olımpıadalyq komıtetiniń prezıdenti jáne World Boxing uıymynyń Olımpıadalyq komıssııasynyń tóraǵasy qyzmetin atqaryp júr. Degenmen ol kásibı mansabyn aıaqtaǵany jóninde resmı málimdeme jasaǵan joq.