Kelesi Bas múftı kim bolady? – Dintanýshylar jaýap berdi

Foto: SN.KZ kollajy

Qostanaıdyń bas ımamy ishimdik iship, kólik júrgizgeni úshin 15 táýlikke qamalǵan oqıǵadan keıin qoǵamdy kelesi suraq kezip ketti, dep habarlaıdy Skifnews.kz aqparat portaly Democrat.kz saıtyna silteme jasap.

Qostanaıdyń bas ımamynyń ábes áreketi endigi jerde Bas múftıdiń taǵyn teńseltip ketýi bek múmkin degen boljamdar jeldeı esip tur. Áleýmettik jelide qazirdiń ózinde «kelesi múftı pálenshe bolýy múmkin» degen paıym-pikirler jazyla bastady.

Insaıd derekkózderdiń aqparyna sensek, múftııatta qarbalas bolyp jatqan kórinedi. Bul qarbalas QMBD-nyń merziminen buryn ótetin quryltaıymen baılanysty bolýy ábden múmkin eken.

Jańa Bas múftıdi tańdaý naýqany bastalmaq pa? Olaı bolsa, kelesi Bas múftı kim bolýy múmkin degen saýalmen birer azamatymyzdan surap kórdik.

Din zertteýshisi, din salasynyń bilikti mamany Turarbek QUSAIYN: «Bas múftı aýysary sózsiz. Qoǵamda din máselesine qatysty beleń alǵan problemalar tym kóbeıip ketti. Prezıdentimiz Qasym-Jomart Toqaev kásibi dıplomat adam ǵoı, elimizdegi dinı basqarmaǵa kim bolsa, sonyń basshy etip otyrǵyzbaıtyny sózsiz. Menińshe,  kelesi Bas múftı etip Qaırat Lama Sharıf bolady. Buǵan sebepter óte kóp. Dinı basqarmany Qaırat Lama Sharıf syndy azamat basqarmaı, qoǵamdaǵy dinı problemalardy sheshý múmkin emes».

Qambar Muńsyzbaıuly, dintanýshy, tarıhshy: «Eger ýaǵyz aıtý, el kózine túsý, jurttyń kóńilinen shyǵý sııaqty dúnıelerge qarasaq, menińshe Nurlan ımam jańa múftı bolýy ábden múmkin. Halyqtyń kóńilinen shyǵatyn nárse aıtyp, qazaqtyń kókeıine qonatyn ýaǵyz aıtyp júrgen jigit. Bıliktiń adamy ǵoı. Kim kelse de, endigi jańa múftı saıraǵan ýaǵyzshylarǵa tyıym salyp, ýaǵyzdy tek meshitte aıtatyn etip qoısa eken. Taırańdaǵan salafıt, ýahabıtterdi tizgindese eken».

Kamal JAQYPBEK, zeınetker: «Múftııatty tutas reformalaý kerek. Múftııatta dástúrli dinı ustanymdaǵy azamattardan basqa, túrli aǵymdardyń qoldaýshylary da órip júrýi ábden múmkin. Sebebi eldegi salafızm, ýahabızm ókilderiniń taltańdaı qadam basýy tegin emes. Arqasynda tiregi bolmasa, teris aǵymdaǵy din ókilderi de erkinsimes edi. Sol sebepti, múftııatty túgel tazalaıtyn ýaqyt keldi. Menińshe, Nurlan ımam múftı bolsa, kóp nárse ózgerer edi».

Oraz ÁLIMBEKOV, jýrnalıst: » Jańa múftı máselesin Aq ordanyń ıdeologııa bólimi sheshedi. Árıne QMBD jarǵysyna sáıkes, quryltaı ótip, sol jerde jańa basshy tańdalady ǵoı. Alaıda sońǵy núkteni Aq orda qoıatynyn umytpaıyq. Dál qazir Aq ordada ıdeologtar men dıplomattar arasynda teketires júrip jatyr. Mine, solardyń qaısysy «jeńse», múftıdiń taǵdyry da solaı sheshiledi. Menińshe, bilimdi, QMBD jarǵysyna saı, ári dıplomat Qaırat Lama Sharıf kelesi Bas múftı bolýy ábden múmkin. Dál qazirgi kezde qoǵamdaǵy dinı másele tepe-teńdigin saqtaý úshin Qaırat Lama Sharıf syndy azamattyń dinı basqarmany basqarýy óte tıimdi bolar edi. Al Nurlan ımamǵa keler bolsaq, ol — kádimgi «qoldan jasalǵan ımam» ǵoı. Proekt. Eldegi dinı alaýyzdyqty báseńdetý úshin jurttyń kókeıindegi sózdi aıtatyn bir din adamy qajet boldy. Nurlan ımam sol din adamy retinde ortaǵa shyǵyp, «hıt boldy». Nurlan ımam QMBD jarǵysynyń talabyna saı kelmeıdi-aý».