ءبىلىم
كەلەسى جىلى قازاقستاندا ستۋدەنتتەردىڭ ستيپەندياسى وسەدى
فوتو: istockphoto.com
جاڭا جىلدان باستاپ قازاقستاندىق ستۋدەنتتەردىڭ شاكىرتاقىسى 15-20 پايىزعا وسەدى. بۇل تۋرالى ۇكىمەت وتىرىسىندا قارجى ءمينيسترى ءمادي تاكيەۆ مالىمدەدى, دەپ حابارلايدى Azattyq Ruhy.
«جوعارعى وقۋ ورىندارىنىڭ ستۋدەنتتەرىنە ستيپەنديا مولشەرىن ورتا ەسەپپەن 15-20%-عا ۇلعايتۋ جوسپارلانىپ وتىر. ناتيجەسىندە ستيپەنديانىڭ ورتاشا مولشەرى باكالاۆريات ستۋدەنتتەرى ءۇشىن 52 372 تەڭگەنى, ماگيستراتۋرا ءۇشىن 117 098 تەڭگەنى قۇرايدى», دەدى ول ۇكىمەت وتىرىسىندا.
سونىمەن قاتار كەلەسى جىلى گرانتتار سانى 2 500 ورىنعا ارتادى. وسىلايشا قوسىمشا ورىنداردى ەسكەرە وتىرىپ, 2025 جىلى شامامەن 78 مىڭ ءبىلىم گرانتى بولىنەدى.
