كەمى 7 جىل: گەنناديدىڭ جالاقىسى 25 ملن دەگەن جۋرناليست سوتتالۋى مۇمكىن

فوتو: ستان كز

نۇرسەيىت جىلقىشىباي سوتتالادى دەگەن سىبىس تارادى, دەپ حابارلايدى Alash.kz ۇلتتىق پورتالى.

Skifnews.kz مالىمەتى بويىنشا, YouTube-ارناسىنداعى «ۋاقىت كورسەتەدى» باعدارلامادا ۇلتتىق وليمپيادا كوميتەتىنىڭ باسشىسى گەننادي گولوۆكيننىڭ جالاقىسى تۋرالى سۇراق قويعان جۋرناليست نۇرسەيىت جىلقىشىباي سوتقا تارتىلماق.

ءجۋرناليستىڭ سوزىنشە, وعان الدەكىم بەلگىسىز نومىردەن حات جازعان.

«سكريندى سالماي-اق قويايىن. حات اۆتورى ءوزىن ۇلتتىق وليمپيادا كوميتەتىنىڭ قۇقىقتىق قامتاماسىز ەتۋ قىزمەتىنىڭ باسشىسىمىن دەپ تانىستىرادى. ول كىسىنىڭ اتى-ءجونى جوق پا? بۇنداي حات ءمور مەن قول قويىلىپ جىبەرمەۋشى مە ەدى? الدە اتى دارداي ۇلكەن كوميتەتتىڭ جۋرناليستەرمەن كوممۋنيكاتسياسىنىڭ دەڭگەيى وسى ما? بالكىم, مەنىكى تەرىس. مۇمكىن ۇلتتىق وليمپيادالىق كوميتەتتىڭ اتىن جامىلعان كوشەدە جۇرگەن بىرەۋلەر شىعار. شىن كوميتەتتىڭ ادامى بولسا اتىن ايتىپ ادام سياقتى حابارلاسىپ رەسمي قاعاز جىبەرۋى ءتيىس قوي. ماسەلە مىنادا وليمپيادا چەمپيونى, ۆەل باركەر كۋبوگىنىڭ يەگەرى باقتيار ارتاەۆ كوميتەت باسشىسى گ. گولوۆكين 20 ملن اسا ايلىق الاتىنى راس پا دەگەن سۇراق قويدىم. باقتيار: ول جاعىن ناقتى بىلمەيمىن. بىراق ەستۋىم بار وسى اڭگىمەنى دەيدى», دەپ جازدى ول.

نۇرسەيىت جىلقىشىباي وزىنە كەلگەن حاتتا قانداي زاڭ جازىلعانىن اشىپ ايتتى.

«ماعان جازىلعان حاتتا مىنا زاڭدى العا تارتادى. قر «بۇقارالىق اقپارات قۇرالدارى» تۋرالى زاڭىنىڭ 19-بابىنا سايكەس, ازامات نەمەسە زاڭدى تۇلعا بۇقارالىق اقپارات قۇرالدارىنان وسى بۇقارالىق اقپارات قۇرالىندا تاراتىلعان, شىندىققا سايكەس كەلمەيتىن جانە ار-نامىسىنا, قادىر-قاسيەتىنە جانە ىسكەرلىك بەدەلىنە نۇقسان كەلتىرەتىن مالىمەتتەردى تەرىسكە شىعارۋدى تالاپ ەتۋگە قۇقىلى. مەنىڭ تۇسىنبەگەنىم كەشەگى ەلباسى مەن نۇر وتاننىڭ شاراپاتىنا بولەنگەن گولوۆكيننىڭ قانداي ار-نامىسىنا, ىسكەرلىك بەلەدىنە نۇقسان كەلتىردىك. ءبىر ونىڭ جەكە باسىن ءسوز قىلدىق پا? الدە ناشار بوكسشى دەپ سىنادىق پا? سونداي-اق بۇل ءسوزدى (گولوۆكيننىڭ ايلىعىنا قاتىستى) دالادا جۇرگەن ادام ەمەس, اكىم بولعان, سپورت سالاسىن باسقارعان, ءومىرىن سپورتقا ارناپ كەلە جاتقان ساناۋلى وليمپيادا چەمپيوندارىنىڭ ءبىرى ايتىپ وتىر. ماعان بۇل اقپاراتتى تەرىسكە شىعار دەپتى. ونىڭ ءبىر جولى سۇحبات. GGG ماعان سۇحبات بەرسىن. مەن بارىنە اشىقپىن. تومەندە ۆاتساپتان كەلگەن حات», — دەيدى جۋرناليست.

حاتتا كوميتەت وكىلدەرى نۇرسەيىت جىلقىشىبايدان قر زاڭدارىن ساقتاي وتىرىپ, رەسمي تۇردە جالعان اقپاراتتى تەرىسكە شىعارۋدى سۇراعان.

2004 جىلعى وليمپيادا چەمپيونى باقتيار ارتاەۆ «ۋاقىت كورسەتەدى» YouTube-ارناسىنا بەرگەن سۇحباتىندا ۇلتتىق وليمپيادا كوميتەتىنىڭ پرەزيدەنتى گەننادي گولوۆكيننىڭ جالاقىسى تۋرالى ايتتى.

«ناقتى بىلمەيمىن, بىراق گولوۆكيننىڭ ۇوك-دەگى جالاقىسى – 20-25 ميلليون تەڭگە شاماسىندا», – دەدى ارتاەۆ سۇحباتتا.

كەيىننەن قازاقستان رەسپۋبليكاسى ۇوك بۇل اقپاراتتىڭ شىندىققا جاناسپايتىنىن رەسمي تۇردە مالىمدەدى.

«گەننادي گولوۆكين پرەزيدەنتتىك قىزمەتتى ەرىكتى نەگىزىندە اتقارادى. ونىڭ قىزمەتىنە اقشا تولەنبەيدى. ونىڭ موتيۆاتسياسىنىڭ قاراجاتقا دا, ساياسي مانساپقا دا قاتىسى جوق. ەڭ الدىمەن ونىڭ جۇمىسى قازاقستاندىق سپورتقا قولداۋ كورسەتۋگە, سونداي-اق, قازاقستان ۇوك-ءتىڭ حالىقارالىق سپورتتىق قوعامداستىق الدىنداعى بەدەلىن نىعايتۋعا باعىتتالعان», — دەگەن مالىمدەمەدە.