Kentaýlyqtar jerdiń astyna túsip ketemiz be dep alańdap otyr

Foto: ashyq derekkóz

Kentaý turǵyndary 900 gektar jerdi qorshap, ony «ekologııalyq aımaq» dep tanýdy surap otyr. Sebebi jer astynda sýǵa tolǵan shahtalar bar. Adamdar jer opyrylyp túsip kete me dep qorqady. Bul týraly qandastar.kz KAZ.NUR.KZ-ke silteme jasap habarlaıdy.

Kentaýda sýǵa tolǵan shahtalardyń mańyndaǵy turǵyndar jerdiń shógip jatqanyna shaǵymdanýda. Bir kezderi 900 júz gektardan astam aýmaqta qorǵasyn, barıt jáne myrysh óndirilgen. Búginde bos shahtalar sýǵa tolyp ketken. Jergilikti turǵyndar memleketten aýmaqty ekologııalyq aımaqqa jatqyzýdy suraıdy. Olar bul máseleniń sheshilýin 12 jyl kútip kele jatqan kórinedi.

«Oblys, qala ákimdigine qansha ret habarlastyq. Jer beti shógip barady, adam da, jan-janýar, mal da túsip ketpes úshin ony qorshaý kerek», – deıdi Kentaý qalasynyń turǵyny Baqtııar Ǵafýrov.

Yqtımal aqaýlar aımaǵynda birneshe turǵyn úı ornalasqan, saýyqtyrý ortalyǵy men tústi metaldardy óńdeý zaýyty salynǵan. Sondaı-aq aýmaqta sýdy jınaý jáne tazartý qondyrǵysy bar. Jergilikti turǵyndardyń aıtýynsha, sýdy Kentaý qalasynyń turǵyndary ǵana emes, oblys ortalyǵy da sol jerden alady.