«كەرى بايلانىس بولمادى»: الىشەر كارىموۆ ديماش قۇدايبەرگەنمەن نەگە ارالاسپاي كەتكەنىن ايتتى

قازاق ەستارداسىنىڭ جارىق جۇلدىزى الىشەر كارىموۆ ونەردەگى ارىپتەسى ديماش قۇدايبەرگەنمەن بۇگىندە نەگە ارالاسپاي كەتكەنىن اشىپ ايتتى,-دەپ حابارلايدى Qandastar.kz

الىشەر كارىموۆ ديماش قۇدايبەرگەنمەن اراقاتىناسى تۋرالى ءوز شىندىعىن اسحات سادىربايعا بەرگەن سۇقباتىندا ايتتى. ونەر يەلەرى بۇگىندە ءبىر-بىرلەرىن ءتىپتى تۋعان كۇنمەن دە قۇتتىقتامايتىن بولعان. كارىموۆتىڭ ايتۋىنشا, ەكەۋىنىڭ بايلانىسى قىتايداعى ءان بايقاۋىنان كەيىن وزگەرىپ كەتكەن.

«شىنىمدى ايتايىن, قازىر ديماشپەن بايلانىس جوق. ەكى-ءۇش اي بۇرىن ستۋديادا كورىپ قالدىم. قال-جاعداي سۇراستىق. ەكى مينۋتتاي سويلەستىك. تۋعان كۇنمەن ءبىر-ءبىرىمىزدى قۇتتىقتامايمىز. ءبىر-بىرىمىزبەن حابارلاسپايمىز. قىتايعا دەيىن بولعان بايلانىسى باسقا, قىتايدان كەيىن باسقا بولدى. نەگى ەكەنىن بىلمەيمىن. ونىڭ ۋاقىتى جوق شىعار. قازىر وعان مۇنىڭ قاجەتى جوق شىعار.

ءبىر كەزدە تەلەفون ءنومىر الماسايىق دەگەن بولاتىنمىن. بىراق كەرى بايلانىس بولماعان سوڭ, سول جەردەن قويا سالدىم. مەن جالىنعاندى سۋ قانىم سۇيمەيتىن اداممىن. ونىڭ تاڭداۋى سول بولدى. مەن ءار ادامنىڭ تاڭداۋىنا سىيلاستىقپەن اقارايتىن اداممىن. قىتايعا دەيىن باۋىرلار سەكىلدى بولدىق. حابارلاسىپ تۇردىق. ول كەزدە قاتتى ۋايىمدادى. قازىر ول ۇلكەن ءارتىس بولدى. ونىڭ جەتىستتىكتەرىنە قۋانىشتىمىن, اركەز تىلەكشىمىن. ول وسىنىڭ بارلىعىنا لايىق», — دەدى كارىموۆ.