«كەشىرىم بەرمەيمىن». قالدىبەك قۇرمانالى قىزىن زورلاعان بوكسشىعا قاتىستى مالىمدەمە جاسادى

فوتو: كوللاج El.kz

تانىمال بوكسشى جانقوش تۇراروۆ زورلادى دەپ ايىپتاعان ءانارۋ قالدىبەكقىزىنىڭ اكەسى مالىمدەمە جاسادى, دەپ حابارلايدى El.kz اقپارات اگەنتتىگى.

بۇل تۋرالى جۋرناليست گۇلبانۋ انياتقىزى الەۋمەتتىك جەلىدەگى پاراقشاسىنا جاريالادى.

سپورتشى جانقوش زورلادى دەپ ارىزدانعان ءانارۋ قۇرمانالىنىڭ اكەسىمەن سويلەستىم. قالدىبەك قۇرمانالى بەلگىلى سازگەر, ءشامشى اندەرىن ناسيحاتتاپ جۇرەتىنىن بىلەسىزدەر. قالدىبەك اعانىڭ 2016 جىلى ومىردەن وتكەن اقمارجان تاۋباەۆا ەسىمدى ايەلىنەن ءانارۋ قىزى مەن ءاناسىل ۇلى بار ەكەن. بالالارىممەن ارالاسىپ, كومەكتەسىپ تۇراتىنىن ايتتى. قالدىبەك قۇرمانالى جۇرەگىنە وتا جاساتىپ, دەنساۋلىعىنا بايلانىستى تۇركىستان وبلىسىنا كوشىپ كەتكەن. “قازىر قىزىما كومەكتەسۋ ءۇشىن الماتىعا كەلدىم” دەيدى. “قىزىم جىلاپ كەلگەندە بۇل سوراقىلىقتى قوعام ءبىلۋى كەرەك دەپ, جۋرناليستەرمەن سۇحبات ۇيىمداستىرعان دا ءوزىم” دەپ وتىر, – دەپ جازدى ول.

قالدىبەك قۇرمانالى جانقوش جاقتان كەشىرىم سۇراعانىن, بىراق ەشقانداي كەشىرىم بەرە المايتىنىن ايتقان.

«قىزىمدى قورعاۋعا جانىمدى, بارىمدى سالامىن» دەپ وتىر. ءانارۋ 28 جاستاعى ۇلكەن قىز, تۇلعا. جانقوشپەن كەزدەسكەنى, وعان نەگە سەنگەنى جايلى ەشتەڭە ايتا المايمىن دەدى. قوعامنىڭ بۋللينگىنەن سوڭ ءانارۋ بىرنەشە رەت وزىنە قول جۇمساماق بولىپتى. قازىر دەپرەسسيادا ءجۇر دەيدى. قالدىبەك قۇرمانالى بۇل ماسەلەدە اياعىنا دەيىن قىزىنىڭ قاسىندا بولاتىنىن ايتتى, – دەيدى ول.

ايتا كەتەيىك, بوكسشى انارۋمەن ەشقانداي قارىم-قاتىناسى بولماعانىن ايتىپ الەۋمەتتىك جەلدىگە پاراقشاسىنا جازبا قالدىرعان ەدى.