«Keshirim suraımyn»: «Uryǵy joq» degen dáriger Eldos «Koloboktan» keshirim surady

Foto: vıdeodan skrınshot

«Ekomed» klınıkalar jelisiniń negizin qalaýshy reprodýktolog Saltanat Baıqoshqarovanyń sińilisi Perızat Baıqoshqarova óziniń áleýmettik jelidegi paraqshasynda ázilkesh Eldospen áıelinen keshirim surady, dep habarlaıdy Qandastar.kz.

Buǵan deıin Perızat Baıqoshqarovanyń «Eldostyń uryǵy bolmaǵan» dep aıtqany jelide tarap, Eldos pen jubaıy óz renishterin bildirgen edi.

«Aınalaıyn Eldos, Tańsholpan! Sizderdiń qol jetkizgen nátıjelerińizge búkil el qýanyp jatyr. Astana qalasyndaǵy klınıkamyzǵa, sondaı-aq Almaz Qurmanálıuly men Azamat Sandybaıulyna úlken alǵys aıtyp jatqandaryńyzǵa shyn júrekten rızamyz. Basqa elderde ota jasalyp, nátıje bolmaı jatsa da, Astanadaǵy ortalyqta sátti ota jasalyp, uryq tabylyp, embrıon daıyndalyp, júktilikke qol jetkizdik. Odan bólek, qalǵan bıomaterıal da arnaıy saqtaýly tur.

Osyndaı keremet nátıjelerge sebepker bolǵan eń ozyq tehnologııalardy barsha halyqqa qoljetimdi etý maqsatynda, basshylarymyz Astana, Almaty, Shymkent, Aqtóbe jáne Atyraý qalalaryndaǵy ortalyqtarǵa qoıdy.

Men tek osyny jetkizgim kelgen edi.

Alaıda aıtylǵan bir aýyz sózim keıbir júrekterge aýyr tıgenin estip, júregim alań. Bul sóz eshkimdi renjitý úshin emes, kerisinshe, úmit syılaý úshin aıtylǵan edi…

Iá, Eldos baýyrym burynyraq habarlasqan. Ol kezde, ókinishke qaraı, bizde ondaı tehnologııa bolmaǵan. Al búgingi tańda — bar.

Bul — meniń jeke pikirim. Eldos durys aıtty: “Bári dáriger emes.” Al men de jýrnalıst emespin. Sondyqtan keı sózderim burmalanyp, tolyq jetkizilmegen bolýy múmkin. Soǵan shyn júrekten keshirim suraımyn.

Eldos pen Tańsholpannan, sondaı-aq barsha Qazaq elinen keshirim suraı otyryp, osy vıdeomen arada týyndaǵan túsinispeýshilikke núkte qoıýdy jón kórdim.

Tańsholpan aman-esen jeńildep, Eldos ekeýi kópten kútken óz sábılerin qushaǵyna alyp, shańyraqtarynda úlken qýanysh toıy bolsyn dep shyn júrekten tilektespin! Bul – júrekten shyqqan úndeý.

Qabyl alsańyzdar – raqmet.
Júrekpen túsinseńizder – myń alǵys», — dep jazdy ol.