«Keshirý de, túsiný de múmkin emes»: Aısáýle Baqytbek ákesine qatysty suraqqa jaýap berdi

Tanymal prodıýser Baıan Alagózovanyń qyzy, bloger Aısáýle Baqytbek áleýmettik jelide ákesi týraly suraqqa jaýap berdi, dep habarlaıdy Qandastar.kz aqparat portaly.

Blogerge oqyrmandarynyń biri «Ákeńizdi keshirdińiz be?» degen suraq qoıǵan. Aısáýle Baqytbek bul suraqqa jaýap berip, bolǵan oqıǵany qabyldaıtynyn aıtty.

«Keshirý men túsiný keıde múmkin emes. Biraq men qabyldaımyn jáne jaqsy kóremin. Osy jetkilikti bolady dep úmittenemin», – dep jaýap jazdy bloger.

Aıta keteıik, bloger ákesiniń anasy Baıan Maqsatqyzyna qol kótergenine qatysty jıi pikir bilidredi.

“Men ákemmen túsken fotomdy jarııalasam, maǵan keıbir oqyrmandarym: “Jaraısyń, aralasqanyń jaqsy” dep pikir jazady. Olardyń maǵan jumsartyp aıtqan pikirleri unamaıdy. Ákemniń isi – aqtaýǵa kelmeıtin dúnıe. Eshqandaı jaǵdaıda. Bul sýret jáne bizdiń aralasatynymyz, ony az da bolsa túsinetinimdi nemese aqtaǵym keletinin bildirmeıdi. Bul olaı emes”, – dedi Aısáýle Baqytbek.