Keste boıynsha BZJQ-dan zeınetkerlik tólemder

Mindetti zeınetaqy jarnalary jáne mindetti kásiptik zeınetaqy jarnalary esebinen BJZQ-tan zeınetaqy tólemderdi belgilengen keste boıynsha alýǵa BJZQ-ta zeınetaqy jınaqtary bar adamdar quqyly:

1) 63 jasqa tolǵan erlerdiń, 58 jasqa tolǵan áıelderdiń (2018 jylǵy 1 qańtardan bastap – 58,5 jasqa tolǵan, 2019 jylǵy 1 qańtardan bastap – 59 jasqa tolǵan, 2020 jylǵy 1 qańtardan bastap – 59,5 jasqa tolǵan, 2021 jylǵy 1 qańtardan bastap – 60 jasqa tolǵan, 2022 jylǵy 1 qańtardan bastap – 60,5 jasqa tolǵan, 2023 jylǵy 1 qańtardan bastap – 61 jasqa tolǵan, 2024 jylǵy 1 qańtardan bastap – 61,5 jasqa tolǵan, 2025 jylǵy 1 qańtardan bastap – 62 jasqa tolǵan, 2026 jylǵy 1 qańtardan bastap – 62,5 jasqa tolǵan, 2027 jylǵy 1 qańtardan bastap – 63 jasqa tolǵan áıelderdiń) (Zańnyń 31 b. 1 t. 1) tt. jáne 32 b. 1 t. 2) tt. )

2) eger múgedektigi merzimsiz bolyp belgilense, birinshi jáne ekinshi toptardaǵy múgedekterdiń quqyǵy bar (Zańnyń 31 b. 1 t. 3) tt. jáne 32 b. 1 t. 3) tt. )

№1042 Qaǵıdalarynyń erejelerine sáıkes Mindetti zeınetaqy jarnalary jáne mindetti kásiptik zeınetaqy jarnalary esebinen BJZQ-tan zeınetaqy tólemderi 01.01.2018 j. bastap aı saıyn belgelengen keste boıynsha júzege asyrylady.

Aı saıynǵy zeınetaqy tólemderiniń mólsheri Ádistemege sáıkes eseptelgen jyldyq zeınetaqy tólemderi somasynyń on ekiden bir bóligi retinde aıqyndalady.

Bul rette aı saıynǵy zeınetaqy tóleminiń eseptelgen mólsherin tóleý respýblıkalyq bıýdjet týraly zańda tıisti qarjy jylyna belgilengen eń tómengi kúnkóris mólsherinen keminde 54 paıyz   kóleminde júzege asyrylady   (2018 jyly bul soma 54% * 28 284 = 15 273,36 teńgeni quraıdy).

О́tinish berilgen kúnge deıingi zeınetaqy jınaqtarynyń somasy respýblıkalyq bıýdjet týraly zańda tıisti qarjy jylyna belgilengen eń tómen zeınetaqynyń on eki eselengen mólsherinen aspaǵan jaǵdaıda, atalǵan soma alýshyǵa BJZQ-dan bir ret tólenedi   (2018 jyly – 33 745 * 12 = 404 940 teńge).

Eger jeke zeınetaqy shotyndaǵy zeınetaqy jınaqtarynyń qaldyǵy kezekti aı saıynǵy tólemdi júzege asyrǵannan keıin respýblıkalyq bıýdjet týraly zańda tıisti qarjy jylyna belgilengen eń tómen kúnkóris deńgeıiniń 54 paıyzynan tómen emes somany qurasa, bul qaldyq kezekti tólemniń somasymen birge tólenedi.

№1042 Qaǵıdalarynyń 6 tarmaǵyna sáıkes BJZQ-tan eınetaqy tólemderi ótinish berilgen kúnnen bastap belgilenedi jáne zeınetaqy jınaqtary bitkenshe tólenedi

01.01.2018 j. deıin zeınetaqy tólemderine óz quqyqtaryn iske asyrǵan adamdardyń (01.01.2018 j. deıin mindetti zeınetaqy jarnalary  jáne (nemese) mindetti kásiptik zeınetaqy jarnalary esebinen tóleýge ótinish):

1. buryn belgilengen zeınetaqy tólemderiniń merzimdiligin  (mysaly, jyl saıyn) saqtap, zeınetaqy tólemderin keste boıynsha esepteý merzimin;
2. zeınetaqy tólemderiniń merzimdiligin   (aı saıyn, toqsan saıyn, jyl saıyn);
3. zeınetaqy tóleminiń mólsherin, sonyń ishinde zeınetaqy tólemderiniń mólsherin keste boıynsha mynadaı ólshemderdiń eń úlkenimen  esepteý  quqyǵy saqtalady:

• respýblıkalyq bıýdjet týraly zańda tıisti qarjy jylyna belgilengen eń tómen zeınetaqynyń otyz eselengen mólsherin;
• zeınetaqy tólemderiniń mólsherin esepteýdi júzege asyrý ádistemesine sáıkes alýshynyń tıisti jasyndaǵy zeınetaqy jınaqtarynyń aǵymdaǵy qunynyń koeffııentine kóbeıtindisi retinde eseptelgen   shamasyn    ózgertýge quqyǵy saqtalatynyn qosymsha beligleý qajet.

BJZQ belgilengen keste boıynsha zeınetaqy tólemderiniń jyldyq mólsherin jyl saıyn óz betinshe № 1042 Qaǵıda erejelerin eskere otyryp, qaıta esepteıdi.