Álem jańalyqtary
Ketı Lıch: Ulybrıtanııa Qazaqstannyń kıiz úı glempıngi tájirıbesin engizdi
Foto: ashyq derekkóz
Ulybrıtanııada kıiz úıi týrızmi belsendi damyp, saıahatshylarǵa glempıngtiń erekshe tájirıbesin usynýda. Bul týraly Ulybrıtanııanyń Qazaqstandaǵy elshisi Ketı Lıch «Kazakh Tourism» akıonerlik qoǵamy basqarmasynyń tóraǵasy Qaırat Sádýaqasovtyń «Born Bold. Travel Boldcast» avtorlyq podkastynda aıtyp berdi, dep jazdy qandastar.kz
Dıplomat suhbatynda turaqty týrızmniń jáne tabıǵatqa eń tómen deńgeıde áser etetin glempıng tujyrymdamasynyń mańyzdylyǵyn atap ótti.
«Týrızmniń turaqtylyǵy – osy saladaǵy mańyzdy máselelerdiń biri. Meniń oıymsha, tabıǵatqa áseri tómen týrızmniń birneshe túri bar. Shyntýaıtynda, biz Qazaqstannan mańyzdy konepııany – tutas kıiz úı glempıngi, ıaǵnı sándi kempıng ıdeıasyn ózimizge qabyldadyq. Ol kıiz úılerdi qamtıdy jáne Ulybrıtanııada tanymal bolyp otyr», – dep atap ótti Ketı Lıch.
Qazaq tyń kıiz úıleri Ulybrıtanııada keńinen qoldanylýda. Bul sheteldikterge tek tabıǵatpen úndesýge ǵana emes, qorshaǵan ortaǵa áserdi azaıtýǵa múmkindik beredi. Elshi osyndaı jobalardyń týrızmdi turaqty ári ekologııalyq qaýipsiz etýge kómektesetinin aıtty.
