Jańalyqtar
«Ketpenmen aıaýsyz urǵan»: Aqmola oblysynda áıel asyrap alǵan balasyna qorlyq kórsetken
Foto: Sharaına
Kámeletke tolmaǵan balany tárbıeleý boıynsha mindetterin tıisti oryndamaǵany úshin aqmolalyq áıel sot aldyna keldi. Sotta áıel 11 jasar balany temir ketpenmen urǵany belgili bolǵan. Áıel aıyppulmen qutyldy, dep habarlaıdy qandastar.kz Skifnews.kz aqparat portalyna silteme jasap.
Býrabaı aýdandyq soty kámeletke tolmaǵanǵa qatygezdikpen qaraýymen ushtasqan kámeletke tolmaǵan balany tárbıeleý jónindegi mindetterdi tıisinshe oryndamaǵany úshin azamatsha S.-ǵa qatysty qylmystyq is qarady (QK-niń 140-babynyń 2-bóligi).
«Sotta Щýchınsk qalasynyń turǵyny S. 2022 jyldyń naýryzynda psıhıkalyq aýrý dıagnozymen 2014 jyly týylǵan kámeletke tolmaǵan Ch.-ny patronattyq tárbıeleýge alyp, ony tárbıeleý jáne oǵan qamqorlyq jasaý jónindegi mindetterdi óz moınyna alyp, balany jıe uryp-soǵýǵa ushyratqany anyqtalǵan.
Osylaısha 2024 jyldyń qazan aıynda S. balanyń aıaǵyn temir usaqtaǵyshpen uryp, denesine zaqym keltirgen. Sot-medıınalyq saraptamanyń qorytyndysyna sáıkes, balanyń denesinde syzattar, tyrtyq túrinde dene jaraqattary anyqtaldy.
Jaza taǵaıyndaý kezinde sot aýyrlatatyn mán-jaı dep kinálige táýeldi dármensiz balaǵa qatysty qylmystyq teris qylyq jasaǵanyn eskerdi», — delingen habarlamada.
Sot S.-ǵa pedagogıkalyq laýazymdardy atqarý nemese kámeletke tolmaǵan balalardy tárbıeleýge baılanysty qyzmetpen aınalysý quqyǵynan 2 jylǵa aıyra otyryp, 80 AEK (295 360 teńge) mólsherinde aıyppul taǵaıyndady.
Sot aktisi zańdy kúshine engen joq.
