«Kezinde «Dıkıı» Armannyń janynan shyqpap edi»: Hasanmen birge kózge túsken óner juldyzdary synǵa qaldy

foto: áleýmettik jeliden

Áleýmettik jelide bir top óner ókilderiniń Talǵardaǵy oqıǵa qatysy bar degen kúdikti Hasanmen birge túsken sýretteri tarady, dep habarlaıdy qandastar.kz ozgeris.info-ǵa silteme jasap.

Otyrysta túsirilgen sýretten Janar Aıjanova men Shahızadany baıqaýǵa bolady.

Sondaı-aq palýan Beıbit Ystybaev ta bar. Jeli qoldanýshylary bolsa, ánshilerden ábden kóńili qalǵanyn jarysa jazdy.

«Talǵardaǵy mafııanyń basshysy bolyp júrgen Hasannyń janynda bizdiń óner juldyzdary da júrgen eken. Oǵan dálel osy sýretter. «Dıkıı» Armannyń da janyna barlyǵy baryp, soǵan arnaý arnap, ánin aıtyp edi. Biraq sot kezinde birde-bireýn tappady. Jýrnalsıter baryp suraǵanda tanymaımyn dedi. Biraq solar arqyly sharýalaryn sheshti. О́ner juldyzdaryn shegirtke degen edi. Sol ras sııaqty. Turaqsyz, sózderine jaýap bere almaıdy. Tanys óner adamdarynyń bárinen bas tarta berý kerek sııaqty», — dedi jeli qoldanýshysy.

Esterińizge sala keteıik, Vremıa basylymy Sherzattyń ólimine basty kúdikti dep tanylǵan topty úsh aǵaıyndy jigit basqaratynyn jazǵan bolatyn. Qazstroı aýylynan shyqqan bul uıymdasqan qylmystyq topty talǵarlyqtardyń ózderi de jaqsy biledi.

“Bul topty Hasan, Aslan, Erjan degen úsh aǵaıyndy basqarady. Famılııasyn naqty bilmeımin, biraq bári biledi. Bul jigitterdiń qurbany bolǵandar kóp. Olardyń pyshaqpen uratyn ádeti bar. Tipti Ulttyq qaýipsizdik komıtetiniń ókilin de pyshaqtap ketti. Sodan keden qyzmetkeriniń basynan tútikpen (trýbo) urǵan. Bul atyshýly is», – dedi atyn atamaýdy ótingen Talǵar qalasynyń turǵyny.