قارجى جانە تولەمدەر
كيبەرالاياقتار ەندى ءاليحان سمايىلوۆتىڭ سۋرەتىن پايدالانىپ جاتىر
Instagram الەۋمەتتىك جەلىسىندە تاراعان جارنامادا جالعان بروكەرلەر مەن كريپتو-الاياقتار جازالانادى, ال زارداپ شەككەندەر ءوز اقشالارىن قايتارادى دەلىنگەن. اقشانى قايتارۋ ءۇشىن 72 ساعات قاجەت ەكەن. بۇل جولى كيبەرقىلمىسكەرلەر قر جوعارى اۋديتورلىق پالاتاسىنىڭ توراعاسى ءاليحان سمايىلوۆتىڭ سۋرەتىن پايدالانعان. بۇل الداۋ ارەكەتى.
«الاياقتار ەسكى سحەمامەن ارەكەت ەتىپ جاتىر. ولار مەملەكەتتىك ۇيىمداردىڭ قولداۋىن ۇسىنادى – جارنامادا قر ۇلتتىق قاۋىپسىزدىك كوميتەتىنە باسا نازار اۋدارىلىپ, بەلگىلى قازاقستاندىقتاردىڭ سۋرەتتەرى پايدالانىلعان. الاياقتار قر جوعارى اۋديتورلىق پالاتاسىنىڭ باسشىسى ءاليحان سمايىلوۆتىڭ سۋرەتىمەن حابارلاندىرۋعا ادامداردىڭ نازار اۋدارادى. الايدا, اتالعان مەملەكەتتىك ۇيىمنىڭ رەسمي سايتىندا جالعان بروكەرلەر ۇرلاعان قاراجاتتى قايتارۋ جونىندەگى باعدارلامانى ىسكە قوسۋ تۋرالى اقپارات جوق», — دەپ حابارلادى Fakenews.kz.
جارنامادا ءوتىنىش بەرىپ, ماماننىڭ قوڭىراۋىن كۇتۋ كەرەك دەلىنگەن.
«دەرەكتەرىڭىزدى كۇماندى سايتتاردا قالدىرماڭىز – وسىلايشا الاياقتارعا جەكە اقپاراتتى بەرۋىڭىز ىقتيمال, ال ولار ونى ءوز مۇددەسىنە ساي پايدالانادى», — دەلىنگەن ماتەريالدا.
