كيبەرقىلمىسكەر قۇرىعىنا ىلىگەتىندەر كوبەيىپ بارادى

ەلدە كيبەرقىلمىسكەرلەردىڭ قۇرىعىنا ىلىنەتىندەر سانى ارتىپ بارادى. جىل باسىنان ازاماتتاردىڭ جەكە قوسىمشالارى مەن پاراقشالارىنا 4 مىڭنان استام شابۋىل جاسالعان. عالامتورداعى وسىنداي قۇيتۇرقى اركەتتەردەن دەربەس دەرەكتەر جاريا بولىپ جاتىر.

قارىزعا باتقاندار دا كوپ. ماماندار وسىعان قاتىستى كيبەرقاۋىپسىزدىك ماسەلەسىن ءجىتى باقىلاۋعا الۋ قاجەت دەپ وتىر. ازاماتتار قاراپايىم قاۋىپسىزدىك شارالارىن دا ۇمىتپاعاندارى ءجون. ءسابيت رىسباەۆ كيبەرشابۋىلعا ۇشىراعانداردىڭ ءبىرى. اپتا بۇرىن بەلگىسىز بىرەۋلەر الەۋمەتتىك جەلىدە جەكە قوسىمشاسىن بۇعاتتاپ, مىڭعا جۋىق تانىسىنا سىلتەمە جولداعان. الاياقتاردىڭ ايلاسى جۇزەگە اسسا, دەربەس دەرەكتەر قولدى بولاتىن ەدى. ءسابيت رىسباەۆ, قالا تۇرعىنى: — شامامەن 2 مىڭ كونتاكتىمنىڭ 998-ءى مەن اشقان گرۋپپاعا كىرىپ كەتىپتى.

مەن اشپاعانمىن عوي مەنىڭ اتىمنان اشىلعان گرۋپپاعا. قازىرگى ۋاقىتتا كلاسسيكالىق ءادىس سەنىڭ سۋرەتىڭدى قويىپ, باسقا تانىستاردان قارىزعا اقشا سۇراۋ 100 مىڭ, 200 مىڭ تەڭگە دەگەن سەكىلدى. سونداي قورقىنىش بولدى. ەكىنشىدەن كونفيدەنتسيالدى دۇنيەلەردى شىعارىپ جىبەرە مە دەگەن قورقىنىش بولدى. قالا تۇرعىنى وتاندىق ينتەرنەت قوسىمشالارىن جەتىلدىرىپ, سانىن كوبەيتۋ قاجەت دەپ ەسەپتەيدى. سول كەزدە كيبەرقىلمىسكەرلەردى ۇستاۋ جەڭىلدەيدى. تىعىرىققا تىرەلگەندە شەتەلدىك قوسىمشالاردىڭ وپەراتورلارىنان ءتيىستا جاۋاپ الۋ ۇزاق ۋاقىتقا سوزىلادى.

بۇل الاقتار ءۇشىن ءتيىمدى. زاڭگەرلەر ءتۇرلى كەلەڭسىز جاعدايعا تاپ بولماس ءۇشىن قۇقىقتىق ساۋاتتىلىقتى ارتتىرۋ قاجەت دەپ وتىر. جاندوس تۇياقوۆ, زاڭگەر: — زاڭداردىڭ بارلىعى بار. بىراق تا سولاردى زاڭ بۇزۋشىلاردى انىقتايتىن ورگانداردىڭ جۇمىس جاساماۋىنان بولادى. ەكىنشى فاكتور ءبىز قاراپايىم حالىق بانكتەن زۆونداعان كەزدە ولاردىڭ الاياق ەكەنىنە كەزىمىز جەتسە, تەلەفوندى قويا سالامىز. حابارلاسپا دەپ ايتا سالامىز. مۇنداي كەزدە ءاربىر ازامات ارىزبەن پوليتسياعا جۇگىنۋى كەرەك. ينتەرنەت الاياقتاردى انىقتاۋ وڭاي شارۋا ەمەس.

ولار وزدەرىنىڭ قۇيتۇرقى اركەتتەرىن الەمنىڭ كەز كەلگەن جەرىندە جۇزەگە اسىرا الادى. بىلتىر 34 مىڭنان استام قازاقستاندىق كيبەرقىلمىسكەرلەردىڭ قۇربانى بولعان. بيىل قاڭتار ايىنىڭ وزىندە 4200 شابۋىل تىركەلدى. ىرىستى ءجالىلحانوۆا, قر تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى كوميتەتىنىڭ باس ساراپشىسى: — زاڭنىڭ شەڭبەرىندە بىرنەشە تۇزەتۋلەر بار.

ياعني ناقتى كيبەر قاۋىپسىزدىككە باعىتتالعان. ينستيتۋت رەتىندە حاكەرلەر ينستيتۋتىن زاڭنامالىق بەكىتۋ, اقپاراتتىق قاۋىپسىزدىكتى زەرتتەۋشىلەر بولىپ تابىلادى. بەلگىلى ءبىر كومپانيادا دەربەس دەرەكتەردىڭ زاڭسىز جايىلعان جايى بولسا, وندا ولار مىندەتتى تۇردە مينيسترلىكتى حاباردار ەتۋ كەرەك بولادى. اقپاراتتىق قاۋىپسىزدىك كوميتەتىنىڭ مالىمەتىنشە, ادامنىڭ دەربەس دەرەكتەرىن ۇرلاۋعا باعىتتالعان 400 دەن استام ۆيرۋستىق قوسىمشا جويىلدى. زياندى سىلتىمەلەر ارقىلى 3 مىڭعا جۋىق ادام زارداپ شەككەن. سالا ماماندارى الاياقتىق تۋرالى ءتۇرلى ەسكەرتپەلەرگە قۇلاق اسىپ, قاۋىپسىزدىك شارالارىن قاتاڭ ۇستاۋعا كەڭەس بەرەدى.