كيىز ۇيدەگى اتىشۋلى بيگە قاتىستى قىلمىستىق ءىس قوزعالدى

ەسكە سالا كەتسەك, ءماجىلىس دەپۋتاتى سامات مۇساباەۆ قوعام بەلسەندىلەرىن «لگبت» ناسيحاتىنا قارسى پەتيتسيا قورىتىندىسىن تالقىلايتىن جيىنعا بەلسەندى قاتىسۋعا ۇندەگەن ەدى.

سونىڭ ءبىرى سامات مۇساباەۆتىڭ ايتۋىنشا, جەلىدە تارالعان ۆيدەوروليكتىڭ قيىندىسى بۇكىل ۇلتتى, ەلدى قورلاۋمەن پارا-پار.

ءوز كەزەگىندە باس پروكۋراتۋرا وقيعانىڭ الماتى وبلىسى, قاراساي اۋدانىندا تۇسىرىلگەنىن حابارلاپ وتىر.

«اتالعان فاكت بويىنشا 2024 جىلعى 1 شىلدەدە قاراساي اۋداندىق پوليتسيا باسقارماسى قىلمىستىق كودەكستىڭ 174-بابىنىڭ 1-بولىگى بويىنشا «الەۋمەتتىك, ۇلتتىق, رۋلىق, ناسىلدىك, تاپتىق نەمەسە ءدىني الاۋىزدىقتى قوزدىرۋ» بويىنشا سوتقا دەيىنگى تەرگەۋدى باستادى», – دەپ جاۋاپ بەردى ۆەدومستۆو.

سونداي-اق, باس پروكۋراتۋرا قىلمىستىق ءىس شەڭبەرىندە ءتيىستى ساراپتاما تاعايىندالدى, تەرگەۋ امالدارى جۇرگىزىلىپ جاتقانىن مالىمدەيدى. ونىڭ ناتيجەلەرى بويىنشا قۇقىقتىق باعا بەرىلىپ, قىلمىستىق ءىس بويىنشا ءىس جۇرگىزۋ تۋرالى شەشىم قابىلدانادى.

الايدا, ۇلتتىق قاۋىپسىزدىك كوميتەتى بەينەروليك اۆتورلارىنىڭ نيەتىن انىقتاۋ جانە قىلمىستىق قۇقىقتىڭ كورسەتىلگەن نورماسىنا وبەكتيۆتى قۇقىقتىق باعا بەرۋ مۇمكىن ەمەستىگىن جەتكىزدى.

ايتا كەتسەك, مادەنيەت جانە اقپارات ءمينيسترى ايدا بالاەۆا كيىز ۇيدە جارتىلاي جالاڭاش بيلەگەندەردىڭ ۆيدەوسىنا قاتىستى پىكىر بىلدىرگەن ەدى.