«Kim baqylaıdy»: Qazaqstanda taǵy tórt áýejaı satylady

Kollaj: ulysmedia.kz.

Kólik mınıstri Marat Qarabaev Qostanaıdaǵy áýejaı satylyp jatqanyn rastady. Ol jalǵyz Qostanaı emes, basqa da óńirlerdegi áýejaılarǵa ınvestorlar tartylatynyn aıtady, dep habarlady Ulysmedia.kz.

Nege Qazaqstannyń kompanııalaryna bermeske?

Buǵan deıin ekonomıst Rasýl Rysmambetov Qazaqstandaǵy taǵy bir áýejaı saýda, atap aıtqanda Qostanaıdaǵy áýejaı satylatynyn aıtqan edi. Sarapshy eldegi áýejaılardyń jappaı satylyp jatqanyna alańdaıtynyn jazǵan.

– Olardy satsqa, birinshiden, azyraq aqsha tabamyz, al ekinshiden strategııalyq nysandy joǵaltamyz: sheteldikterdiń satyp alý yqtımaldyǵy joǵary. Mysaly, Oral, SQO, Atyraý, Almatydaǵy áýejaılar tikeleı nemese janama bolsyn sheteldikterdiń ıeliginde. Nege olardy qazaqstandyq kompanııanyń basqarýyna bermeske? – deıdi ol.

Qarabaev ne deıdi

Osy suraqty búgin Ulysmedia.kz tilshisi Qazaqstannyń kólik mınıstri Marat Qarabaevqa qoıǵan.

– Qostanaıdaǵy áýejaıdy belgili bir ınvestordyń satyp alatyny jóninde eshqandaı ótinim kelip túsken joq. О́tinish túsetin bolsa memleket tarapynan ol mindetti túrde qarastyrylatyn bolady. Áýejaı – strategııalyq nysan ári onyń kimge satylyp, kimge satylmaıtyny Úkimettiń quzyretinde. Osy ýaqytqa deıin Qostanaıdaǵy áýejaıdy satyp alýǵa eshbir ınvestor ynta tanytqan joq, – deıdi ol.

Qarabaevtyń aıtýynsha, jalpy eldegi áýejaılarǵa ınvestorlardy tartý jumysy júrgizilip jatyr. Ol áýejaılardy qazaqstandyq ınvestor da, sheteldik ınvestor da alýy múmkin. Qarabaev áýejaılarǵa sheteldik ınvestorlardyń kelýi – zańǵa qaıshy emes ekenin aıtty.

– Qazaqstandyq ınvestor bolsyn, sheteldik bolsyn – biz ony qoldaımyz. О́ıtkeni qaı kezde de áýejaı memlekettik organdardyń tolyq baqylaýynda bolady. Onyń quryltaıshysy sheteldik bolsa da ol baqylaýdan tys qalmaıdy, – deıdi Qarabaev.

Mınıstr Almatydaǵy áýejaıǵa sheteldik ınvestor 250 mln dollar ınvestıııa salǵanyn atap ótedi.

– Tek Qostanaıdaǵy emes, Qyzylorda, Túrkistan, Shyǵys Qazaqstandaǵy áýejaılar – memleket menshiginde. Ol jaqqa ınvestor tartyp, ınvestıııalary arqyly ınfraqurylymyn jańǵyrtý – memelekettiń basym baǵyttarynyń biri. Báribir ol memlekettiń baqylaýynda bolady, – deıdi ol.

Buǵan deıin premer-mınıstr Oljas Bektenov Atyraý áýejaıynyń akııalaryn jańa ıesine berý jóninde qaýlyǵa qol qoıǵan edi.