«كىم كىمنەن ۇرلادى?»: ەركە ەسماحاننىڭ «قايدا» انىنە ۇقساس ءاندى ايتقان رەسەيلىك ءانشى حەيتەرلەرگە جاۋاپ بەردى

فوتو: جەكە پاراقشالاردان

تانىمال رەسەيلىك ءانشى ليليا گولدوبوۆا وتاندىق شوۋ-بيزنەس جۇلدىزى ەركە ەسماحاننىڭ “قايدا” ءانىنىڭ اۋەنىنە ۇقساس ءان ايتىپ, قىزۋ تالقىعا ءتۇستى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

رەسەيلىك ونەر يەسى تۋىندىنى “سانكت-پەتەربۋرگ” دەپ اتاعان. ءانشى پلاگيات دەگەن ايىپتاۋلاردى جوققا شىعارىپ, ەركە ەسماحاننىڭ شىعارماسىنان العانىن جاسىرمادى. سونداي-اق ول وتاندىق ونەر وكىلىمەن كۋرستاس ەكەنىن ايتتى.

«بۇل جەردە پلاگيات جوق, بىراق يدەيا ءبىر, ءيا… مەن ونى مۇلدەم اۋدارعان جوقپىن, شابىت العان شىعارمىن. ويتكەنى ەركە جاقسى ءانشى, سونىمەن قاتار مەنىڭ كۋرستاسىم», – دەپ جازدى رەسەيلىك ونەر يەسى.

جەلى قولدانۋشىلارى ءتۇرلى پىكىر ءبىلدىرىپ, رەسەيلىك ءانشىنىڭ ءانىن پلاگيات دەپ جاتىر.

ء“بىز عانا ۇرلاي بەرەمىز بە, بىزدىكىن دە ۇرلاسىن”, “سونىمەن كىم كىمنەن ۇرلادى”, “بۇل ءبىزدىڭ ءان”, “بۇكىل الەم شىرقاسىن”, ء“وزىمىز قىرعىزدان الىپ ەدىك”, – دەپ جازىپ جاتىر وقىرمان قاۋىم.