«Kim kimnen urlady?»: Erke Esmahannyń «Qaıda» ánine uqsas ándi aıtqan reseılik ánshi heıterlerge jaýap berdi

Foto: jeke paraqshalardan

Tanymal reseılik ánshi Lılııa Goldobova otandyq shoý-bıznes juldyzy Erke Esmahannyń “Qaıda” ániniń áýenine uqsas án aıtyp, qyzý talqyǵa tústi. Bul týraly qandastar.kz Stan.kz aqparat agenttigine silteme jasap habarlaıdy.

Reseılik óner ıesi týyndyny “Sankt-Peterbýrg” dep ataǵan. Ánshi plagıat degen aıyptaýlardy joqqa shyǵaryp, Erke Esmahannyń shyǵarmasynan alǵanyn jasyrmady. Sondaı-aq ol otandyq óner ókilimen kýrstas ekenin aıtty.

«Bul jerde plagıat joq, biraq ıdeıa bir, ıá… Men ony múldem aýdarǵan joqpyn, shabyt alǵan shyǵarmyn. О́ıtkeni Erke jaqsy ánshi, sonymen qatar meniń kýrstasym», – dep jazdy reseılik óner ıesi.

Jeli qoldanýshylary túrli pikir bildirip, reseılik ánshiniń ánin plagıat dep jatyr.

“Biz ǵana urlaı beremiz be, bizdikin de urlasyn”, “Sonymen kim kimnen urlady”, “Bul bizdiń án”, “Búkil álem shyrqasyn”, “О́zimiz qyrǵyzdan alyp edik”, – dep jazyp jatyr oqyrman qaýym.