جاڭالىقتار
«كىمگە بولسا دا»: سي تسزينپين قىتاي قازاقستاننىڭ ىشكى ىستەرىنە كيلىككەندەرگە قارسى تۇراتىنىن مالىمدەدى
قىتاي حالىق رەسپۋبليكاسىنىڭ توراعاسى سي تسزينپين الداعى مەملەكەتتىك ساپارى الدىندا قازاقستاننىڭ بۇقارالىق اقپارات قۇرالدارىنا ارناپ ماقالا جازىپ, وندا رەسمي بەيجىڭ استاناعا قاتىستى قانداي ساياسات ۇستاناتىنىن ايتتى,-دەپ حابارلايدى Qandastar.kz
«قىتاي دانالىعى دوسقا ايتقان ءار ءسوزدىڭ ۇدەسىنەن شىعۋ كەرەك ەكەنىن وسيەت ەتەدى. قازاقستاندىق دوستارىمىزبەن ءارى قاراي دا شىنايىلىق پەن سەنىمگە نەگىزدەلگەن قارىم-قاتىناستى ورناتا بەرەمىز. ستراتەگيالىق تۇرعىدا ۇيلەسكەن ءوزارا ساياسي سەنىمدى تەرەڭدەتىپ, ءبىر-ءبىرىمىزدىڭ تۇپكىلىكتى مۇددەمىز بەن نەگىزگى الاڭداتاتىن ماسەلەلەردە ءوزارا قولداۋدى ارتتىرا بەرەمىز. قىتاي تارابى قازاقستاننىڭ ۇلتتىق قاۋىپسىزدىگىن, ەگەمەندىگى مەن اۋماقتىق تۇتاستىعىن قورعاۋعا, ءوز بەتىمەن تاڭداپ العان دامۋ جولىن ۇستانۋعا, مەملەكەتتىڭ گۇلدەنۋىنە قاجەتتى ىشكى جانە سىرتقى ساياساتىن ىسكە اسىرۋعا باعىتتالعان كۇش-جىگەرىن قولداۋدان اينىمايدى, قازاقستاننىڭ ىشكى ىستەرىنە كيلىكسە, كىمگە بولسا دا قارسى تۇرادى.ءوزارا سىيلاستىق, تاتۋ كورشىلىك, ءوزارا كومەك جانە ءوزارا تيىمدىلىك سياقتى ءتورت ماڭىزدى قاعيداتتى دامىتىپ, ارتتىرۋ ەكىجاقتى قارىم-قاتىناستىڭ ورنىقتى ديناميكاسىن ساقتاۋعا نەگىزدەلگەن», – دەپ جازادى قىتاي باسشىسى
