Kınojobalar baıqaýy: 128 joba ekinshi kezeńge joldama aldy

Foto: ashyq derekkóz

 Ulttyq kıno ortalyǵy memlekettik qoldaýǵa úmitker kınojobalardy irikteý konkýrsynyń birinshi kezeńin qorytyndylady. Saraptama keńesiniń oń qorytyndysyna ıe bolǵan 128 senarıı men senarıı josparykonkýrstyq irikteýdiń ekinshi kezeńine ótti. Kınojobalardyń tizimimen osy jerde tanysa alasyz 

«Jaýapkershilik arqalaǵan keńes quramyna úzdik jobalardy irikteý ońaı bolǵan joq. Talaptar tasada qalmaı, senarııdiń basym taqyryptarǵa sáıkes kelýi, sıýjet qurylymy men dramatýrgııa prınıpterine basa nazar aýdaryldy. Osylaısha, oń qorytyndy alǵan jobalar ekinshi kezeńge joldama alyp otyr. Oza shyqqandarǵa sáttilik tileımin!

Endi 18 sáýir-13 mamyr aralyǵynda konkýrstyń ekinshi kezeńi ótedi. Konkýrstyq irikteýdiń birinshi kezeńinde oń qorytyndy alǵan úmitkerler qajetti qujattardy elektrondy formatta tapsyrýy tıis. Qujattardy tapsyrǵannan keıin anyqtalǵan qatelerdi túzetýge 3 kún ýaqyt beriletinin eske salamyn. Bul – Mádenıet jáne aqparat mınıstrliginiń qoldaýymen ótken jyly qoldanysqa engen jańa erejedegi ózgeristiń biri», – dep atap ótti Kıno ortalyǵynyń Basqarma tóraǵasy Qurmanbek Jumaǵalı.

Aıta keteıik, Kıno ortalyǵy konkýrstyq irikteýdiń birinshi kezeńi boıynsha qujat qabyldaýdy 13 naýryzda aıaqtaǵan bolatyn. Bıyl anımaııalyq, derekti jáne kórkem fılmderdiń ártúrli sekııalary boıynsha birshama ótinim kelip tústi. Elektrondy túrde tirkelgen senarııler men senarıı josparlarynyń jalpy sany – 444. Saraptama keńesiniń qaraýyna 357 senarıı men senarıı jospary usynyldy. Onyń ishinde kórkem fılmder boıynsha 242 senarıı, anımaııalyq fılmder 32 senarıı, derekti fılmder boıynsha 83 senarıı jospary bar.

Sáıkesinshe, Saraptama keńesi jobalardyń bıyl qańtar aıynda jarııalanǵan basym taqyryptarǵa sáıkestigin, kınojobanyń senarııi nemese senarıı josparynyń tujyrymdamasyn, sonymen qatar senarııdiń tehnıkalyq tusyn, keıipkerlerdiń beınesiniń ashylýyn eskerdi.