جاڭالىقتار
كىرىس از: كوشپەندىلەر ويىنىنا 5,7 ملرد جۇمسالىپ, 625 مىڭ دوللار قاراجات تۇسكەن
فوتو: تۋريزم جانە سپورت مينيسترلىگى
كوشپەندىلەر ويىنىنا بيۋدجەتتەن 5,7 ملرد تەڭگە جۇمسالىپ, 625 مىڭ دوللار قاراجات تۇسكەن. كىرىس كەتكەن شىعىننان 20 ەسە از, – دەپ حابارلايدى qandastar.kz atamekenbusiness_qaz-عا سىلتەمە جاساپ.
V دۇنيەجۇزىلىك كوشپەندىلەر ويىندارى 2024 جىلدىڭ قىركۇيەگىندە قازاقستاندا ءوتتى. بۇل ويىن يۋنەسكو-نىڭ ماتەريالدىق ەمەس مادەني مۇرا تىزىمىنە ەنگىزىلگەن ۇلتتىق ءارى ەتنيكالىق سپورت تۇرلەرى بويىنشا حالىقارالىق جارىسقا جاتادى. 2014, 2016 جانە 2018 جىلدارى دۇنيەجۇزىلىك ويىندار قىرعىزستاندا, 2022 جىلى تۇركيادا ۇيىمداستىرىلعان.
ايتا كەتەيىك, ەندى رەسەي دۇنيەجۇزىلىك كوشپەندىلەر ويىندارىن وتكىزۋدى قاراستىرۋدا. بۇل تۋرالى تاسس-تا وتكەن ءباسپاسوز ءماسليحاتىندا رەسەي فەدەراتسياسىنىڭ ۇلتتىق جانە وليمپيادالىق ەمەس سپورت تۇرلەرى كوميتەتىنىڭ ۆيتسە-پرەزيدەنتى يگور پاۆليۋك ايتقان ەدى.
«بىزدە ويلانۋعا ۋاقىت بار. ويىنداردى وتكىزۋ قۇقىعىنا يە بولماس بۇرىن, نورماتيۆتىك بىرقاتار ماسەلەلەردى شەشۋ قاجەت. بىراق ءبىز دايىنبىز, ءبىزدىڭ ەلىمىز بۇكىل الەمگە ەگەر ءىس-شارا رەسەيدە ءوتىپ جاتسا, وندا جاستار ايتقانداي, بۇل ارقاشان وۆەرتوپ ەكەنىن ۇيرەتتى», — دەدى يگور پاۆليۋك.
