كىرىس جوق, شىعىس كوپ: 2025 جىلى بيۋدجەتتە 10 ترلن تەڭگە دەفيتسيت

كوللاج: ulysmedia.kz.

ۇلتتىق ەكونوميكا ءمينيسترى نۇرلان بايبازاروۆ بولجام بويىنشا رەسپۋبليكالىق بيۋدجەت كىرىسى 2025 جىلى 15,6 ترلن تەڭگەنى نەمەسە 2025 جىلى ء(جىو-ءنىڭ 10,4%), 2026 جىلى 16,7 ترلن تەڭگەنى ء(جىو-ءنىڭ 9,9%) قۇرايتىنىن مالىمدەدى, دەپ حابارلايدى Ulysmedia.kz.

بايبازاروۆتىڭ ايتۋىنشا, رەسپۋبليكالىق بيۋدجەتتىڭ كىرىستەرى (ترانسفەرتتەردى ەسەپكە الماعاندا) بولجامدار بويىنشا 2025 جىلى 15,6 ترلن تەڭگە نەمەسە جالپى ىشكى ونىمگە 10,4%, 2026 جىلى – 16,7 ترلن تەڭگە نەمەسە جالپى ىشكى ونىمگە 9,9%, 2027 جىلى – 18,2 ترلن تەڭگەنى نەمەسە جالپى ىشكى ونىمگە 9,6% قۇرايدى.

– رەسپۋبليكالىق بيۋدجەتتىڭ پارامەترلەرىندە كەپىلدەندىرىلگەن جانە نىسانالى ترانسفەرتتەردىڭ مولشەرى ەسكەرىلگەن. وسىنى ەسكەرە وتىرىپ, رەسپۋبليكالىق بيۋدجەت شىعىندارى 2025 جىلى 25,8 ترلن تەڭگە كولەمىندە بولجانۋدا, بۇل جالپى ىشكى ونىمگە 17,1%, 2026 جىلى – 23,2 ترلن تەڭگە نەمەسە جالپى ىشكى ونىمگە 13,7%, 2027 جىلى – 24,6 ترلن تەڭگەنى نەمەسە جالپى ىشكى ونىمگە 12,9% قۇرايدى. 2025 جىلى 3 250 ملرد تەڭگە كولەمىندەگى نىسانالى ترانسفەرت الەۋمەتتىك ماڭىزى بار جانە ستراتەگيالىق ماڭىزدى ينفراقۇرىلىمدىق جوبالاردى قارجىلاندىرۋعا, سونداي-اق وڭىرلىك ءوسۋ دەڭگەيىن قولداۋعا باعىتتالادى, – دەيدى ول.

ءمينيستردىڭ سوزىنشە, 2025 جىلى بيۋدجەت تاپشىلىعىن 2026–2027 جىلدارى جالپى ىشكى ونىمگە قاتىستى تيىسىنشە 2,2%-عا جانە 1,9%-عا دەيىن تومەندەتە وتىرىپ, جالپى ىشكى ونىمگە قاتىستى 2,7% دەڭگەيىندە ايقىنداۋ ۇسىنىلادى.

– مۇناي ەمەس تاپشىلىق دەڭگەيى بولجام بويىنشا 2025 جىلى جالپى ىشكى ونىمگە قاتىستى 7,3%-دان, 2027 جىلى جالپى ىشكى ونىمگە قاتىستى 4,0%-عا دەيىن تومەندەيدى. سونىمەن قاتار سىزدەردىڭ قاراۋلارىڭىزعا «قازاقستان رەسپۋبليكاسىنىڭ ۇلتتىق قورىنان 2025–2027 جىلدارعا ارنالعان كەپىلدەندىرىلگەن ترانسفەرت تۋرالى» زاڭ جوباسى ەنگىزىلەدى, – دەيدى بايبازاروۆ.

زاڭ جوباسىندا مۇنايدىڭ كەسىمدى باعاسى 2025 جىلى باررەلىنە 42,3 اقش دوللارى, 2026-2027 جىلدارى باررەلىنە 41,0 – 39,4 اقش دوللارى دەڭگەيىندە بەلگىلەنگەن.