Kiris joq, shyǵys kóp: 2025 jyly bıýdjette 10 trln teńge defııt

Kollaj: ulysmedia.kz.

Ulttyq ekonomıka mınıstri Nurlan Baıbazarov boljam boıynsha respýblıkalyq bıýdjet kirisi 2025 jyly 15,6 trln teńgeni nemese 2025 jyly (JIО́-niń 10,4%), 2026 jyly 16,7 trln teńgeni (JIО́-niń 9,9%) quraıtynyn málimdedi, dep habarlaıdy Ulysmedia.kz.

Baıbazarovtyń aıtýynsha, respýblıkalyq bıýdjettiń kiristeri (transfertterdi esepke almaǵanda) boljamdar boıynsha 2025 jyly 15,6 trln teńge nemese jalpy ishki ónimge 10,4%, 2026 jyly – 16,7 trln teńge nemese jalpy ishki ónimge 9,9%, 2027 jyly – 18,2 trln teńgeni nemese jalpy ishki ónimge 9,6% quraıdy.

– Respýblıkalyq bıýdjettiń parametrlerinde kepildendirilgen jáne nysanaly transfertterdiń mólsheri eskerilgen. Osyny eskere otyryp, respýblıkalyq bıýdjet shyǵyndary 2025 jyly 25,8 trln teńge kóleminde boljanýda, bul jalpy ishki ónimge 17,1%, 2026 jyly – 23,2 trln teńge nemese jalpy ishki ónimge 13,7%, 2027 jyly – 24,6 trln teńgeni nemese jalpy ishki ónimge 12,9% quraıdy. 2025 jyly 3 250 mlrd teńge kólemindegi nysanaly transfert áleýmettik mańyzy bar jáne strategııalyq mańyzdy ınfraqurylymdyq jobalardy qarjylandyrýǵa, sondaı-aq óńirlik ósý deńgeıin qoldaýǵa baǵyttalady, – deıdi ol.

Mınıstrdiń sózinshe, 2025 jyly bıýdjet tapshylyǵyn 2026–2027 jyldary jalpy ishki ónimge qatysty tıisinshe 2,2%-ǵa jáne 1,9%-ǵa deıin tómendete otyryp, jalpy ishki ónimge qatysty 2,7% deńgeıinde aıqyndaý usynylady.

– Munaı emes tapshylyq deńgeıi boljam boıynsha 2025 jyly jalpy ishki ónimge qatysty 7,3%-dan, 2027 jyly jalpy ishki ónimge qatysty 4,0%-ǵa deıin tómendeıdi. Sonymen qatar Sizderdiń qaraýlaryńyzǵa «Qazaqstan Respýblıkasynyń Ulttyq qorynan 2025–2027 jyldarǵa arnalǵan kepildendirilgen transfert týraly» zań jobasy engiziledi, – deıdi Baıbazarov.

Zań jobasynda munaıdyń kesimdi baǵasy 2025 jyly barreline 42,3 AQSh dollary, 2026-2027 jyldary barreline 41,0 – 39,4 AQSh dollary deńgeıinde belgilengen.