كىرىستەر كوميتەتى قازاقستاندىقتارعا ەسكەرتۋ جاسادى

فوتو: اشىق دەرەككوز

مەملەكەتتىك كىرىستەر كوميتەتى ۇزاق ۋاقىت بويى كۇن سايىن تەك ءبىر چەك بەرىپ وتىرعان نەمەسە تۇراقتى تۇردەبىردەي تابىس سوماسىن تىركەگەن 260 مىڭ سالىق تولەۋشىنى انىقتادى, دەپ حابارلايدى qandastar.kz

مەملەكەتتىك كىرىستەر كوميتەتى تاۋەكەلدەردى باسقارۋ جۇيەسى اياسىندا سالىق تولەۋشىلەردى ىرىكتەۋ جانە سالىقتىق باقىلاۋ شارالارىن قابىلداۋ ءۇشىن باقىلاۋ-كاسسالىق ماشينالار (بكم) بويىنشا مالىمەتتەردى (بەرىلگەن چەكتەر سانى, سوماسى جانە مەرزىمدىلىگى) بەلسەندى تۇردە پايدالانادى. 

ماڭعىستاۋ وبلىسى مۇنايلى اۋدانىنداعى ازىق-ت ۇلىك دۇكەنى ءبىر جىل بويى كۇن سايىن تەك 7 مىڭ تەڭگەگە 1 چەك قانا بەرگەن. بۇل بكم-ءدى قولدانباۋ بەلگىلەرىنىڭ ايقىن دالەلى بولىپ تابىلادى, سونداي-اق تۇتىنۋشىلاردىڭ قۇقىقتارىن ورەسكەل بۇزۋ بولىپ سانالادى. مۇنداي سالىق تولەۋشىلەرگە قاتىستى ءتيىستى شارالار قابىلدانۋدا. سونىمەن قاتار, 2023 جىلعى دەرەكتەردى تالداۋ بارىسىندا 82,2 مىڭ سالىق تولەۋشىنىڭ اينالىمدارىندا ايتارلىقتاي سايكەسسىزدىكتەر انىقتالدى. ولار سالىقتىق ەسەپتىلىكتە تولەم كارتالارى (POS-تەرمينالدار) مەن ءموبيلدى تولەمدەر (QR-تولەمدەر) ارقىلى تۇسكەن قاراجاتتى كورسەتپەگەن. جالپى جاسىرىلعان سوما 1 تريلليون تەڭگەدەن اسادى. وسى زاڭبۇزۋشىلىقتاردى ءوز ەركىمەن تۇزەتۋ ءۇشىن جوعارىدا اتالعان سالىق تولەۋشىلەرگە كامەرالدىق باقىلاۋ حابارلامالارى جىبەرىلدى (ورىنداۋ مەرزىمى – بيىلعى جىلدىڭ 20-26 ناۋرىزى). قازىرگى تاڭدا 6,2 مىڭ سالىق تولەۋشى 43,7 ملرد تەڭگە كىرىس كورسەتىلگەن سالىق دەكلاراتسيالارىن ۇسىندى, ناتيجەسىندە 1,1 ملرد تەڭگە سالىق ەسەپتەلدى, – دەلىنگەن حابارلامادا.

مەملەكەتتىك كىرىستەر كوميتەتى ازاماتتار مەن كاسىپكەرلەرگە قولما-قول ەسەپ ايىرىسۋ كەزىندە دەرەكتەردى تىركەۋ جانە بەرۋ فۋنكتسياسى بار باقىلاۋ-كاسسالىق ماشينالاردى (بكم) مىندەتتى تۇردە قولدانۋ قاجەتتىگىن ەسكەرتەدى. قازىرگى زامانعى فيسكالدىق دەرەكتەر وپەراتورلارعا بەرىلگەن چەكتەر تۋرالى اقپاراتتى اۆتوماتتى تۇردە كوميتەتكە جىبەرۋگە مۇمكىندىك بەرەدى, بۇل قارجى وپەراتسيالارىنىڭ اشىقتىعىن ارتتىرىپ, ءتيىمدى باقىلاۋعا جاعداي جاسايدى. 

ەسكە سالامىز, قازاقستان رەسپۋبليكاسىنىڭ «اكىمشىلىك قۇقىق بۇزۋشىلىق تۋرالى» كودەكسىندە بكم قولدانۋ تالاپتارىن بۇزعانى ءۇشىن جاۋاپكەرشىلىك قاراستىرىلعان. العاشقى قۇقىق بۇزۋشىلىق كەزىندە سالىق تولەۋشىگە ەسكەرتۋ بەرىلەدى, ال قايتالانعان جاعدايدا 15-تەن 50 اەك-كە دەيىن ايىپپۇل سالىنادى. مەملەكەتتىك كىرىستەر كوميتەتى زاڭنامانى ساقتاۋدىڭ جانە باقىلاۋ-كاسسالىق ماشينالاردى ۋاقىتىلى قولدانۋدىڭ ماڭىزدىلىعىن اتاپ وتەدى. بۇل ەسەپ ايىرىسۋلاردىڭ اشىقتىعىن قامتاماسىز ەتىپ, سالىقتىق قۇقىقبۇزۋشىلىقتار قاۋپىن ازايتۋعا ىقپال ەتەدى, – دەپ ەسكەرتتى  مەملەكەتتىك كىرىستەر كوميتەتى.