كىرپىك جاپسىراتىن, تىرناق بويايتىن ايەلدەردەن ساۋ بالا تۋمايدى – دارىگەر

فوتو: ۆيدەودان سكرين

تاراز قالاسىنداعى گينەكولوگ دارىگەر, 45 جىلدىق تاجىريبەسى بار مارجان ساعىمبەكوۆا بالا كوتەرۋدى جوسپارلاپ جۇرگەن قىز-كەلىنشەكتەر مەن جۇكتى ايەلدەرگە كەڭەس بەردى, دەپ حابارلايدى qandastar.kz

اقپارات پورتالى Azattyq Rýhy cايتىنا سىلتەمە جاساپ.

«كەڭەس زامانىندا جۇكتى ايەلدەرگە شاشىن كەسۋگە, بويانۋعا, تىرناق جاساتۋعا رۇقسات بەرمەيتىن. جۋىنباي, كىر-قوجالاق بولىپ ءجۇر دەپ وتىرعان جوقپىن.  ال, قازىر كەلىنشەكتەر پەرزەنتحاناعا باراردا بوياناتىنى سونشالىق, تەاترعا بارعانداي كەلەدى. بىراق ونىڭ ءبارى – حيميا. قازىر ءسان سالونىندا جۇكتى ادامدار وتە كوپ. شاشىن نەشە ءتۇرلى ەتىپ قيادى, كىرپىك جابىستىرىپ, ەرىندەرىن ىسىتەدى. ونىڭ ءبارى جاتىرعا, بالاعا كەتەدى. ودان كەيىن قانداي بالا تۋادى? نەگە اۋتيزم كوپ, نەگە تسەرەبرالدى پاراليچپەن تۋعان بالا كوپ?», – دەيدى ول.

Azattyq Rýhy جازعانداي, قازىر ەمحانالاردا اۋرۋ بالا كوبەيگەن.

«دەنى ساۋ بالا تۋمايدى. بارلىق سەبەپ وسىندا جاتىر. قىز, كەلىنشەكتەر, بالا كوتەرەمىن دەپ جوسپارلاساڭدار, جاۋاپكەرشىلىكپەن قاراڭدار. جاتىردا جاتقان بالاعا جاعداي جاساڭدار. ول بالا 9 اي حيمياسىز ءوسۋى كەرەك. ولار ءبىزدىڭ بولاشىعىمىز عوي», – دەيدى مارجان ساعىمبەكوۆا

ال, قازاقستانداعى دارىگەرلەر تۋرالى اقپارات جاريالايتىن سايتتاردىڭ بىرىندە مارجان ساعىمبەكوۆانىڭ تارازدا جۇمىس ىستەيتىنى جانە جالپى تاجىريبەسى 45 جىل ەكەنى جازىلعان.