Dıdara Alına: Kitap – eldiń rýhanı tamyry

Foto: jeke qorynan

«Arman—PV» baspasynyń bas dırektory Dıdara Alınamen suhbat

Jýrnalıst:

Bıyl Qazaqstanda alǵash ret Ulttyq kitap kúni atalyp ótti. Bul bastamanyń máni nede dep oılaısyz?

Dıdara Alına:

Ulttyq kitap kúnin belgileý – jaı ǵana mádenı shara emes, bul – tarıhı sheshim. Bul kún – eldiń rýhanı betburysyn kórsetetin sımvol. Sebebi kitap – ulttyń oıy men bolmysyn, bolashaǵyn aıqyndaıtyn basty qural. Memleket tarapynan osy kúnniń bekitilýi – qoǵamǵa baǵyttalǵan tereń oıly qadam. Kitap arqyly tárbıelengen urpaq – elge tirek bolatyn tulǵaǵa aınalady. Biz, baspa salasynda júrgen adamdar, bul kúndi bolashaqqa jasalǵan salmaqty ınvestıııa dep qabyldaımyz.

Jýrnalıst:

Siz basqaryp otyrǵan «Arman-PV» baspasy Ulttyq kitap kúnine qandaı úles qosty?

Dıdara Alına:

Bizdiń ujym «Ulttyq kitap» atty respýblıkalyq baıqaýǵa qatysyp, «Eń úzdik aýdarma kitap» atalymynda jeńimpaz atandy. Bul – biz úshin úlken mártebe. Baıqaýǵa biz usynǵan pop-ap formatyndaǵy balalarǵa arnalǵan kitaptar – erekshe mazmun men formany ushtastyrǵan jobalar. Júlde retinde 2 mıllıon teńge ıelendik. Biraq bul jerde aqsha emes, memlekettik deńgeıdegi moıyndaý, kásibı eńbektiń baǵalanýy mańyzdy. Bul bizge aldaǵy jumysta jańa serpin beredi.

Jýrnalıst:

«Arman-PV» tek oqýlyqtar, balalar ádebıetimen shektelmeıtinin bilemiz. Sońǵy iri jobalaryńyzdyń biri – «Qazaqstan. Jeńiske qosqan úlesi» atty eńbek. Osy týraly keńirek aıtyp ótseńiz.

Dıdara Alına:

Iá, bul – biz úshin erekshe máni bar joba. Jeńistiń 80 jyldyǵyna arnalǵan qos tildi fotoalbom – ulttyq tarıhı jadty saqtaý, urpaqtar sabaqtastyǵyn jalǵaý jolyndaǵy naqty qadam. Bul kitap – jaı estelik emes. Bul – arhıvke, derekke, beıne men sózge negizdelgen rýhanı eskertkish. Jobany belgili telejýrnalıst Maııa Bekbaevamen birlese jasadyq. Ol kisiniń osy taqyryptaǵy derekti fılmder ıkliniń jalǵasy ispettes. Kitap Qazaqstan Respýblıkasy Prezıdentiniń Teleradıokesheniniń qoldaýymen jaryq kórdi. Bul – kezdeısoq bastama emes, «Joshy han» týraly alǵashqy tarıhı eńbegimizdiń zańdy jalǵasy.

Jýrnalıst:

Baspa mıssııasy tek shyǵarylymmen shektelmeıtini belgili. Sizder úshin baspagerlik ne?

Dıdara Alına:

Biz úshin baspa – tek kásip emes. Bul – qoǵamdyq, mádenı jaýapkershilik. «Arman-PV» 23 jyl boıy Qazaqstanda oqýlyqtar men oqý-ádistemelik keshender shyǵaryp keledi. Bizdiń mindet – balaǵa uǵynyqty, muǵalimge paıdaly, júıege senimdi bilim quraldaryn ázirleý. Sońǵy jyldary biz Ekitap.kz ıfrlyq platformasyn engizip, myńdaǵan mektepke sapaly onlaın oqý múmkindigin usyndyq. Bul tek tehnologııa emes – bul oqý mádenıetin ózgertý jolyndaǵy naqty sheshim.

Jýrnalıst:

Tarıhqa oralaıyq. Sizderdiń «Jeńiske qosqan úles» atty eńbekterińiz Eurasian Book Fair kórmesinde tanystyryldy. Qandaı áser aldyńyz?

Dıdara Alına:

Bul halyqaralyq deńgeıdegi kórmede kitapty tanystyrý – biz úshin úlken múmkindik boldy. Oqyrman tarapynan erekshe qyzyǵýshylyq baıqaldy. Bul kitap jaı derekke emes, tulǵalar taǵdyryna, eldik erlikke qurylǵan. Ol – urpaq sanasyna sińetin, shynaıy qurmetke laıyq eńbek. Tek qazaqstandyq emes, álemdik aýqymdaǵy oqyrmanǵa arnap jasaldy. Sondyqtan biz buny tek baspa ónimi emes, tarıhı jadynyń formasyna aınalǵan týyndy dep esepteımiz.

Jýrnalıst:

Sizdińshe, kitap arqyly qoǵamǵa qalaı yqpal etýge bolady?

Dıdara Alına:

Bilim men mádenıet tek resmı ıdeologııa arqyly emes, kitap arqyly beriledi. Eger qoǵam kitap oqýdy ádetke aınaldyrsa – oılaý tereńdeıdi, pikir órisi keńeıedi. Biz soǵan úles qosýǵa tyrysyp kelemiz. Búgingi tańda qazaq balasyna sapaly bilim berý – ulttyq qaýipsizdikpen teń. Al ol bilim, eń aldymen, sapaly kitaptan bastalady.