«Kitaptyń muqabasyna qarap baǵa berýdi qoıaıyq»: Unknownkazak blogynyń avtory daý týdyrǵan jaıtqa pikir bildirdi

El arasynda muqabasyna qaraı túsinispeýshilik týdyrǵan «Qazaqtardy qalaı basqarý kerek» atty kitap barlyq satý núktesinen alyndy. Bul týraly AmalBooks baspasynyń negizin qalaýshy, baspager Baqytjan Buqarbaı óziniń ınstagram paraqshasynda málim etti. Osydan keıin Unknownkazak blogynyń avtory Dıas Kamerıdanov atalmysh jaıtqa qatysty pikir bildirdi, dep habarlaıdy Skifnews.kz aqparattyq portaly.

Qazaqtardy qalaı basqarý kerek? Bizdi basqarýdyń qajeti joq, aramyzǵa ot salyp qoısa ǵana jetkilikti. Qanshama jyldardan keıin aldymen patshalyq Reseıdiń, odan keıin Keńes Odaǵynyń otarlaýynda bolǵan biz áli de negizgi sabaqty alǵan joqpyz. Birligimizden aıyrylyp,  bir-birimizdi dos emes dushpan kóre bastaǵanda biz tutastyǵymyzdan aırylamyz. Bizdi kúshpen basyp alýǵa bolmaıtyny tarıhtan belgili. Orys, ın, Jońǵar degen kúshti ımperııalardyń qorshaýynda biz maıdanda eshkimge ese bermedik. Bizdi qýlyqpen, paraqorlyqpen aldy. Keıin shashylǵan butaq sekildi birtindep syndyrdy. Bul kitap dál osy týraly. Qalaı jáne qandaı jolmen otarlanǵanymyz týraly. Bul kitap bodandyqqa óz erkimen kirý bolmaǵanyn, Reseı ımperııasynyń bizdi jońǵarlardan qutqarmaǵanyn ashyq kórsetedi. Bul kitap jerimizdi basyp alýdyń ádisteri týraly. Eń bastysy, bul kitap bolashaqta osy qatelikterdi qaıtalamaý týraly.

Dıas Kamerıdanov kitap avtorlaryn jeke tanıtynyn, olardyń eńbegi úlken ekenin aıtty. ⠀

Baqytjandy burynnan tanımyn, syılaımyn. Ol uly jumystardy tyndyryp júr. Muraǵattarmen jumys istep, qazaq tilinde kitaptar shyǵarady. Men onyń qalaı qınala kitap shyǵarý úshin aqsha izdeıtinin bilemin. О́ıtkeni ol ońaı is emes. Men Nurqojany da tanımyn, qurmetteımin. Ol tarıhty nasıhattaýda úlken jumystar atqaryp júr. Sondyqtan bul jaǵymsyz jaıtqa kýá bolý maǵan aýyr tıdi. Eshkimniń jaman nıeti bolmaǵanyna senimdimin. Biz bárimiz birdeı nárseni istep jatyrmyz. Ondaı túsinispeýshilikter bolmas úshin kóbirek aralasyp turaıyq. Biraq kitaptardyń satylymnan alynyp tastalǵany durys emes dep oılaımyn. О́mir sizge lımon bersa, odan lımonad jasańyz. Meniń oıymsha bul heıt kerisinshe kitapqa tegin haıp jasap berdi. Endi ony oqyǵysy keletinderdiń sany artýy múmkin. Al kitapqa muqabasyna qarap baǵa berýdi qoıaıyq.