كليماتتى قورعاۋعا ارنالعان تىڭ تەحنولوگيا

پاريجدە ەكولوگيالىق تەحنولوگيالاردىڭ الەمدەگى ەڭ ءىرى كورمەسى ءوتىپ جاتىر. جۇرت نازارىنا 1 مىڭ ستارتاپ جوبا ۇسىنىلعان. بيىلعى كورمەدە قانداي ەرەكشەلىكتەر بولدى? Change now فورۋمىنداعى تەحنولوگيالار ءومىردى جاقسارتۋعا باعىتتالعان. اسىرەسە تاماق قالدىقتارىن جيناپ, ولاردى ادەمى اكسەسسۋارلارعا اينالدىرۋ قۇرالدارىن ءجيى كەزدەستىرۋگە بولادى. ال مىناۋ سومكە مەن اياق كيىم كوفەنىڭ كۇنجاراسىنان جاسالعان. بۇلاردان دا باسقا تالاي قىزىق ءارى پايدالى بۇيىمدار بار.

سون, PEELSPHERE ستارتاپىنىڭ نەگىزىن قالاۋشى: — ماتا جاساۋ ءۇشىن پەكتين مەن تسەلليۋلوزانى بىرىكتىرەمىز. مۇنى ءبىز ءبىرىنشى بولىپ قولعا الدىق. بۇل ستارتاپتى مەن 2018 جىلى باستادىم. وسىلايشا ءسان ونەركاسىبىنە ءوز ۇلەسىمىزدى قوسىپ جاتىرمىز. ال مىناۋ اعىن سۋدى ىشۋگە جارامدى ەتەتىن جۇيە. فرانتسۋز تەحنولوگياسى اۆستراليا, فينليانديا, بوليۆيا, پەرۋ مەن ماروككودا سىناقتان ءوتىپ ۇلگەرگەن. ماتيلد مۋليان, GEOPURE ستارتاپىنىڭ جەتەكشىسى: — بۇل تولىق اۆتوماتتاندىرىلعان. جۇيەنى الدىمەن سۋعا تولتىرامىز, وعان جاڭبىردىڭ نەمەسە وزەننىڭ سۋىن قۇيۋعا بولادى. ول سۋمەن تاماق تا ىستەي الاسىز. كەيىن  سۋ قايتا جينالىپ, قايتادان تازارتىلادى. ابدەن قويۋلانعان سوڭ بارىپ دالاعا توگەسىز. سۋ ماسەلەسى — كورمەنىڭ باستى تاقىرىبىنا اينالعان. بۇعان ستارتاپشىلاردىڭ عانا ەمەس, سۋرەتشىلەردىڭ دە ۇلەسى بار. كارولين دەنوەتت تەڭىز الەمىن زەرتتەيتىن حالىقارالىق ورتالىقپەن بىرىگىپ, بالدىرلاردان پلاستينكا جاساپ, مۇحيت جانۋارلارىنىڭ دىبىسىن جازىپ, ەستىرتتى. كارولين دەنوەتت, سۋرەتشى: — بۇل — مۇحيت داۋىسى. وسىلايشا مەن مۇحيتتىڭ ەكوجۇيەسى نازىك ەكەنىن جەتكىزگىم كەلدى. ولاردىڭ ءبىزدىڭ ومىرىمىزدەگى ورنى ەرەكشە. مۇحيتتارسىز تىرشىلىكتىڭ تەپە-تەڭدىگى بۇزىلادى. وسىعان نازار اۋدارتقىم كەلەدى. سۋرەتشى گرەنلانديا كيتىنىڭ جانە سىتقى دەپ اتالاتىن مۇيىزتۇمسىقتىڭ داۋىستارىن جازىپ العان. كۇتپەگەن جەردەن تاسپاعا تۇسكەن دىبىستار دا بار. كورمەگە باس-اياعى 35 مىڭعا جۋىق كاسىبي مامان كەلەدى دەگەن بولجام بار. ولار ءوزارا تاجىريبە الماسىپ, ءتىپتى كەيىن بىرگە جۇمىس ىستەۋى دە مۇمكىن.

بۇگىنگى كورمەگە قاراپ, كليمات وزگەرىسىنىڭ قانشالىقتى ۇلكەن ماسەلەگە اينالعانىن كورىپ وتىرمىز. عالامدىق جىلىنۋعا فيزيكالىق شەكارا قويا المايسىز. ول ءبارىن قامتيدى. ءارتۇرلى ەلدەن كەلگەن ماماندار سان الۋان تاماشا شەشىمدەر ۇسىنىپ جاتىر. قاراپ وتىرىپ قىزىعاسىڭ ءارى ريزا بولاسىڭ. ازىرگە قازاقستاننان ەشكىم جوق. قازاقستان وكىلدەرىن ءبىزدىڭ پلاتفورماعا قوسىلىپ, ەكولوگيالىق تەحنولوگيالار ويلاپ تابۋعا شاقىرامىز. بۇعان دەيىنگى فورۋمدار بيزنەسمەندەر ءۇشىن وتەتىن. بيىلعى ەرەكشەلىك — كورمەدەگى ستارتاپتارمەن قاراپايىم ادامدار, اسىرەسە, بالالار ەمىن-ەركىن تانىسا الادى.