KLIMATTY QORǴAÝǴA ARNALǴAN TYŃ TEHNOLOGIIa

Parıjde ekologııalyq tehnologııalardyń álemdegi eń iri kórmesi ótip jatyr. Jurt nazaryna 1 myń startap joba usynylǵan. Bıylǵy kórmede qandaı erekshelikter boldy? Change now forýmyndaǵy tehnologııalar ómirdi jaqsartýǵa baǵyttalǵan. Ásirese tamaq qaldyqtaryn jınap, olardy ádemi aksessýarlarǵa aınaldyrý quraldaryn jıi kezdestirýge bolady. Al mynaý sómke men aıaq kıim kofeniń kúnjarasynan jasalǵan. Bulardan da basqa talaı qyzyq ári paıdaly buıymdar bar.

Son, PEELSPHERE startapynyń negizin qalaýshy: — Mata jasaý úshin pektın men ellıýlozany biriktiremiz. Muny biz birinshi bolyp qolǵa aldyq. Bul startapty men 2018 jyly bastadym. Osylaısha sán ónerkásibine óz úlesimizdi qosyp jatyrmyz. Al mynaý aǵyn sýdy ishýge jaramdy etetin júıe. Franýz tehnologııasy Avstralııa, Fınlıandııa, Bolıvııa, Perý men Marokkoda synaqtan ótip úlgergen. Matıld Mýlıan, GEOPURE startapynyń jetekshisi: — Bul tolyq avtomattandyrylǵan. Júıeni aldymen sýǵa toltyramyz, oǵan jańbyrdyń nemese ózenniń sýyn quıýǵa bolady. Ol sýmen tamaq ta isteı alasyz. Keıin  sý qaıta jınalyp, qaıtadan tazartylady. Ábden qoıýlanǵan soń baryp dalaǵa tógesiz. Sý máselesi — kórmeniń basty taqyrybyna aınalǵan. Buǵan startapshylardyń ǵana emes, sýretshilerdiń de úlesi bar. Karolın Denoett teńiz álemin zertteıtin halyqaralyq ortalyqpen birigip, baldyrlardan plastınka jasap, muhıt janýarlarynyń dybysyn jazyp, estirtti. Karolın Denoett, sýretshi: — Bul — muhıt daýysy. Osylaısha men muhıttyń ekojúıesi názik ekenin jetkizgim keldi. Olardyń bizdiń ómirimizdegi orny erekshe. Muhıttarsyz tirshiliktiń tepe-teńdigi buzylady. Osyǵan nazar aýdartqym keledi. Sýretshi Grenlandııa kıtiniń jáne sytqy dep atalatyn múıiztumsyqtyń daýystaryn jazyp alǵan. Kútpegen jerden taspaǵa túsken dybystar da bar. Kórmege bas-aıaǵy 35 myńǵa jýyq kásibı maman keledi degen boljam bar. Olar ózara tájirıbe almasyp, tipti keıin birge jumys isteýi de múmkin.

Búgingi kórmege qarap, klımat ózgerisiniń qanshalyqty úlken máselege aınalǵanyn kórip otyrmyz. Ǵalamdyq jylynýǵa fızıkalyq shekara qoıa almaısyz. Ol bárin qamtıdy. Ártúrli elden kelgen mamandar san alýan tamasha sheshimder usynyp jatyr. Qarap otyryp qyzyǵasyń ári rıza bolasyń. Ázirge Qazaqstannan eshkim joq. Qazaqstan ókilderin bizdiń platformaǵa qosylyp, ekologııalyq tehnologııalar oılap tabýǵa shaqyramyz. Buǵan deıingi forýmdar bıznesmender úshin ótetin. Bıylǵy erekshelik — kórmedegi startaptarmen qarapaıym adamdar, ásirese, balalar emin-erkin tanysa alady.