«Klýbta iship júrdi». «Asar-Ýme» qorynyń eriktisi Saltanattyń otbasynan keshirim surady

Foto: vıdeodan skrın

«Asar-Ýme» qaıyrymdylyq qorynyń eriktisi Eljas Shora osyǵan deıin Saltanat Núkenova kúıeýin ózin óltirýge ıtermelegenin aıtyp, basy daýǵa qalǵan bolatyn. Endi ol osy sózi úshin marqumnyń otbasynan keshirim surady, dep habarlaıdy qandastar.kz     Skifnews.kz aqparat portalyna silteme jasap.

«Osydan 3-4 kún buryn marqum Saltanat týraly oıymdy bildirip, pikir qaldyrǵan edim. Shamaly ýaqyttan keıin onyń qate ekenin túsinip, birden óshirip tastadym. Biraq oqyrman skrınshot jasap, jan-jaqqa taratyp úlgeripti. Halyq meni Bıshimbaevty qoldaıdy dep otyr. Biraq olaı emes, nıetim basqa boldy. Men «Asar-Ýme» qorynyń qyzmetkeri emespin, eriktisimin. Bul qateligimniń, jazǵanymgyń qorǵa eshbir qatysy joq. Narazylyqtar meniń tarapyma bolsa deımin. Saltanattyń otbasy jáne «Asar-Ýme» qorynan keshirim suraımyn», – deıdi Eljas Shora.

Aıta keteıik, «Asar-Ýme» atty qaıyrymdylyq qordyń eriktisi Eljas Shora turmystyq zorlyq-zombylyqtan qaza tapqan Saltanat Núkenovany «klýbtarda mas bolyp júrgen, kúıeýin ózin óltirýge ıtermelegen» dep qaralap, basy daýǵa qaldy.

«О́kinishke qaraı, araq-sharap ishetin, temeki shegetin áıel kisiler bar. Klýbta isteıtin tanys jigit Saltanat mınıstrdiń áıeli bola tura qysqa kóılek kıip, mas bolyp, klýbtarda júretin deıdi. Allah keshirsin, qatty aıtsam, aqıqatty aıtý kerek. Árıne bul ajal. Osy ólimge kúıeýin ıtermelegen Saltanattyń ózi dep oılaımyn… Saltanattyń jaǵdaıy barsha áıelge sabaq bolsyn», – dep jazǵan ol.

Qazaqstandyq azamat osy jazbasymen «áıelderdi aqyldy bolýǵa» shaqyrypty-mys.

Saltanat Núkenovanyń aǵasy Aıtbek Amangeldi bul jazbany synady. Ol Qarjy naryǵyn retteý jáne damytý agenttiginen Asar-Ýme qaıyrymdylyq qoryna tekseris júrgizýdi suraǵan. Jeli qoldanýshylary Aıtbek Amangendini qoldap, onyń jazbasyn bólisip jatyr.