قارجى جانە تولەمدەر
قما قىلمىستىق جولمەن 358 ملن تەڭگەدەن استام سوماعا جىلجىمايتىن م ۇلىك پەن اقشا تاركىلەدى
فوتو: جەكە قورىنان
قارجىلىق مونيتورينگ اگەنتتىگى قىلمىستىق جولمەن الىنعان 358 ميلليون تەڭگەدەن استام قاراجاتقا ساتىپ الىنعان جىلجىمايتىن م ۇلىكتى مەملەكەت كىرىسىنە تاركىلەدى, دەپ جازادى qandastar.kz
قما شىمكەنت قالاسى بويىنشا دەپارتامەنتى ءوڭىردىڭ لاۋازىمدى تۇلعالارىنا جانە «قۋاتجىلۋورتالىق-3» مكك-عا قاتىستى سمەتالىق قۇنىن ارتتىرۋ, سونداي-اق ناقتى ورىندالماعان جۇمىستار ءۇشىن اقى تولەۋ ارقىلى قالاداعى جىلۋ جەلىلەرى مەن ەلەكتر بەرۋ جەلىلەرىنە اعىمداعى جوندەۋ جۇرگىزۋگە بولىنگەن 1,1 ميلليارد تەڭگەدەن استام بيۋدجەت قاراجاتىن جىمقىرۋ فاكتىسى بويىنشا سوتقا دەيىنگى تەرگەۋدى اياقتادى.
سونىمەن قاتار, كۇدىكتىلەر لاۋازىمدى ادامدار ۇرلانعان قاراجاتتى جىلىستاتۋ ءۇشىن «قولما-قول اقشا جاساۋشىلار» توبىن تارتتى. ولار 7% مولشەرىندە اقشالاي سىياقى ءۇشىن بوگدە تۇلعالارعا رەسىمدەلگەن 24 كۇماندى كاسىپورىن ارقىلى تاۋارلاردى جەتكىزۋ جانە قىزمەت كورسەتۋ جونىندەگى مامىلەلەر تۋرالى جالعان قۇجاتتار (شوت-فاكتۋرالار, جۇكقۇجاتتار, ورىندالعان جۇمىس اكتىلەرى, شارتتار) ۇسىندى.
پاراللەلدى قارجىلىق تەرگەۋ شەڭبەرىندە قىلمىستىق جولمەن الىنعان قاراجاتقا ساتىپ الىنعان جىلجىمايتىن م ۇلىكتەر, اتاپ ايتقاندا, شىمكەنت جانە استانا قالالارىنداعى 2 پاتەر, 1 تۇراق ورنى, شىمكەنت قالاسىنداعى 3 جەكە ءۇي جانە بانك شوتتارىنداعى تىيىم سالىنعان 50 ميلليون تەڭگە انىقتالىپ, تاركىلەۋ ماقساتىندا سوت سانكتسياسىمەن تىيىم سالىندى.
سوت ۇكىمىمەن بارلىق جەتى ايىپتالۋشىلار 2 جىلدان 7,5 جىلعا دەيىن باس بوستاندىقتارىنان ايىرىلدى.
