QMDB áıeldiń kúıeýiniń tegin alýyna qatysty pátýa shyǵardy

Foto:Ashyq derekkóz

Qazaqstan musylmandary dinı basqarmasynyń Sharıǵat jáne pátýa bólimi áıeldiń kúıeýiniń tegin alýyna qatysty pátýa shyǵardy, dep jazdy qandastar.kz

QMDB ókilderi sharıǵat boıynsha ár adam óz tegimen atalýy tıis ekenin aıtty.

Alla Taǵala Quranda: «Asyrandy balalaryńdy óz ákesiniń atymen atańdar. Allanyń quzyrynda eń durysy sol» dep buıyrdy, – dep eske saldy QMBD.

Osy aıatty alǵa tartyp keıbir ǵalymdar turmysqa shyqqan qyzǵa kúıeýiniń tegine ótýge tyıym salsa, keıbir ǵalymdar áıeldiń kúıeýiniń tegine ótý ǵurypta qalyptasqan ári elge tanytý maqsaty bolsa, oqasy joq dep málimdedi.

– О́ıtkeni Quranda: «Nuhtyń áıeli jáne Luttyń áıeli» dep áıelderdi kúıeýiniń atymen tanytyp tur. Ábý Saǵıd ál-Hýdrıden (Alla oǵan razy bolsyn) rıýaıat etilgen hadıste: «Másǵýdulynyń áıeli Zeınep (Alla oǵan razy bolsyn) Alla elshisine (oǵan Allanyń salaýaty men sálemi bolsyn) kelip, (kirýge) ruqsat suraıdy. «Ýa Allanyń Elshisi! Zeınep kirýge ruqsat surap tur», – degende, ol: «Qaısy Zeınep?», – dep suraıdy. «Másǵýdulynyń áıeli», – dep jaýap beredi. Ol: «Kirsin», – deıdi. Sonda oǵan kirýge ruqsat beredi», – delingen.

Sondyqtan turmysqa shyqqan áıel óz ákesiniń atymen atalýy tıis. Ony ózgertý – haram. Al kúıeýiniń tegine aýysýynyń oqasy joq, biraq mindetti emes. Kúıeýi de ony óz tegin alýǵa májbúrleýi durys emes.