«Qoǵam baryn berdi, kótere almady»: Ilıa Ilın О́teshovpen qatynasy týraly aıtty

Foto: ashyq derekkóz

Qazaqstandyq ziltemirshi Ilıa Ilın Rahım Oshaqbaevqa bergen suhbatynda Almas О́teshovpen qarym-qatynasy týraly aıtty, – dep habarlaıdy  qandastar.kz Massaget.kz-ke silteme jasap.

Ol aýyr atletıkadan álem chempıonatynyń kúmis júldegeri, Azııa chempıony bolǵan Almas О́teshovpen qarym-qatynasy týraly aıtty.

«Almas – meniń dosym, kezinde birge jattyqqanbyz, komandada bolyp, meni qoldaǵan jandardyń biri. Bir ýaqytta bárine qıyn bolatyn sát bolady. Árıne, onyń osyndaı kúıge túskeni aıanyshty. 10 jyl boıy ol ishimdikke úıir boldy. Kóp shyndyqty aıtty. Renishteri de bar, onyń jan dúnıesindegi aıqaıdy qoǵamnyń estigenin qalady. Ol qazir klınıkada emdelip jatyr. Jaǵdaıy jaqsy. Qoǵam oǵan baryn berdi, kómektesti, biraq ol kótere almady. Eshkim odan teris aınalǵan joq. Sondyqtan, meni de, ony da halyqtyń kinalamaǵanyn qalar edim. Ol aqylǵa kelip, ishimdik ishýden bas tartsa – bul bizdiń jeńisimiz bolar edi. Jaqyn kúnderi em qabyldap bolǵan soń beınejazbaǵa túsirip, jarııalaıtyn bolamyn», – dedi ol.

Sondaı-aq, Ilıa Ilın olımpıadalyq medaldardy tartyp alǵan sáti jaıly aıtyp berdi.

«28 jasymda olımpıadalyq medaldardy tartyp alǵan kezde ne isterimdi bilmedim. Mundaı oqıǵa birinshi ret bolyp tur. Sóıtip federaııadan zańger suradym. Ári qaraı kúreskim keldi. Olar qarjylandyrýdy uzaq kútti, keıin zańgerlermen kómektesti. Negizi aıaǵyna sheıin barmadym, kúrespedim. О́zimdi qurban retinde kórsetip, aıanyshty bolǵym kelmeıdi. Biraq sol kezde qasymda baǵyt beretin myqty adam bolmady. О́kinishke oraı, jalǵyz qaldym. Bári de biraýyzdan «oı, shyda» degennen basqa eshteńe aıtpady. Shveıarııadaǵy zańgerlerge de bardym. Biraq eshteńe isteı almaıtynyn aıtty. Ár kún saıyn olımpıadalyq medaldarymdy qaıtaryp alýdyń joldaryn oılaımyn. Jeńilsem de ómir boıy kúresip ótetin shyǵarmyn», – dedi ol.