قوعام بەلسەندىسى باق-تا جاريالانعان دەنساۋلىق ساقتاۋ مينيسترلىگىنىڭ ەسەبىنە نارازىلىق ءبىلدىردى

فوتو: Stan.kz

قوعام بەلسەندىسى, قازاقستان اتا-انالار قاۋىمداستىعىنىڭ باسشىسى باعيلا بالتاباي باق-تا تاراعان دەنساۋلىق ساقتاۋ مينيسترلىگىنىڭ لگبت تۋرالى ەسەبىنە قاتىستى مينيسترلىك عيماراتىنا باردى. بۇل تۋرالى qandastar.kz   Stan.kz اقپارات اگەنتتىگىنە سىلتەمە جاساپ حابارلايدى.

بۇل تۋرالى قوعام بەلسەندىسى الەۋمەتتىك جەلىدەگى پاراقشاسىندا حابارلادى.

«بۇگىن مەن دەنساۋلىق ساقتاۋ مينيسترلىگىندە كەلدىم, سەبەبى كەشە تۇندە Kursiv.media جانە BES.media دەگەن پاراقشالاردا دەنساۋلىق ساقتاۋ مينيسترلىگى لگبت بويىنشا ءوز تۇجىرىمداماسىن شىعاردى دەگەن اقپارات پايدا بولدى. وسىعان بايلانىستى مەن مينيسترلىككە كەلىپ, بۇل جاعدايدى انىقتاپ, بارلىق مالىمەتتەردى ناقتىلاۋ ءۇشىن وسىندامىن”, – دەيدى بەلسەندى.

بەلسەندى اتالمىش پاراقشالارداعى مينيسترلىككە سىلتەمە جاساپ جاريالانعان اقپاراتتاردى ساقتاپ العان. تاقىرىپتارعا قاراعاندا, مينيسترلىك ەسەبىندە لگبت قوزعالىسىنىڭ جاستارعا كەرى اسەر ەتپەيتىنى, ءتىپتى وڭ اسەر ەتەتىنى ايتىلعان. الايدا ماقالا اۆتورلارى اقپاراتتى بەلگىسىز سەبەپپەن وشىرىپ تاستاعان.

ەسكە سالساق, بۇعان دەيىن دەپۋتات اقش-تىڭ USAID اگەنتتىگى قازاقستاندا لگبت ۇيىمدارىن قارجىلاندىراتىنىن ايتىپ, شاعىم بىلدىرگەن ەدى.