قوعامدىق پىكىردى مانيپۋلياتسيالاۋدا — مينيستر ۋتيل الىمعا قارسى پەتيتسيا اۆتورلارىن سىنعا الدى

فوتو: كازاحستانسكايا پراۆدا

ۋتيلسبورعا قارسى پەتيتسيانى قاراۋ جونىندەگى جۇمىس توبى ماشينا شىعاراتىن زاۋىتتارعا جوسپارلانعان ساپارلارعا بارماعان. بۇل تۋرالى  قر ونەركاسىپ جانە قۇرىلىس ءمينيسترى قانات شارلاپاەۆ جۋرناليستەرگە مالىمدەدى.

ءمينيستردىڭ ايتۋىنشا, پەتيتسيانىڭ باستاماشىلارى ماشينا زاۋىتتارىنا جوسپارلانعان ارنايى ساپارلارعا قاتىسپاي, قوعامدىق پىكىردى مانيپۋلياتسيالاپ ءجۇر.

ء«بىز ەشكىمدى ماجبۇرلەي المايمىز جانە سول جەرگە جەتەكتەپ اپارمايمىز. ەگەر ادامدار حالىقتىڭ مۇددەسىن قورعاپ, ءوز حالقىمەن سويلەسۋدەن باس تارتسا, ونى ءتۇسىنۋ قيىن», – دەدى مينيستر.

ونىڭ ايتۋىنشا, 18 ماۋسىمدا بيلىك, باق, بەلسەندىلەر, دەپۋتاتتار مەن باستاماشىلار الماتىداعى

«استانا موتورس» زاۋىتتارىنا بىرگە بارۋى كەرەك بولعان. بىراق پەتيتسيا اۆتورلارى كورسەتىلگەن ۋاقىتقا دەيىن كەلمەپتى. ولار سەمەيدەگى ماشينا زاۋىتىنا جوسپارلانعان ساپارعا دا بارماعان.

«وسى اپتادا قوستانايعا ساپار تۇر. قازىر الماتىدا سالىنىپ جاتقان Hyundai زاۋىتىن جوققا شىعارعاندار, وكىنىشكە قاراي, ول جاققا بارۋدان باس تارتتى. سىزدەردىڭ كوپشىلىگىڭىز سوندا بولدىڭىز جانە شىنىمەن نە بولىپ جاتقانىن جانە بۇل جاعدايدا قوعامدىق پىكىردى كىم قۇبىلتقانىن جانە وندىرۋشىلەردى جوق دەپ مالىمدەپ, كىمنىڭ راس, وتىرىك ايتاتىنىن ءوز كوزدەرىڭىزبەن كوردىڭىزدەر. شىندىعىندا, ول زاۋىتتار بار. وسى اپتادا سونىڭ راستىعىنا كوز جەتكىزۋ ءۇشىن, بىزگە قوسىلىڭىزدار», – دەپ مينيستر جۋرناليستەردى كەزەكتى ساپارىنا شاقىردى.

ەستەرىڭىزدە بولسا, 10 مامىر كۇنى «قر حالقى ۋتيلسبورعا جانە العاشقى تىركەۋگە قارسى» اتاۋىمەن جاريالانعان پەتيتسيانى  500 000 مىڭنان استام ادام وقىپ, 50 مىڭى پەتيتسيانى قولداپ, قول قويعان بولاتىن.