«كوك جيگۋلي», «18 بەن 25» حيت اندەرىنىڭ اۆتورى انگليادا قۇلپىناي تەرىپ ءجۇر

حالىققا كەڭ تاراعان “كوك جيگۋلي”, “سەن ماعان ماسسىڭ”, “18 بەن 25”, “ماحاببات جوق دەمە, جانىم” اندەرىنىڭ اۆتورى, كومپوزيتور نۇرزات راحاتوۆ انگليادا قۇلپىناي تەرىپ ءجۇر, دەپ حابارلايدى

سازگەر Stan.kz تىلشىسىنە شەتەلدەگى جۇمىسى مەن ءومىرى تۋرالى ايتىپ بەردى. اقىننىڭ سوزىنشە, بۇعان دەيىن الماتى وبلىسى جامبىل اۋدانى قاينازار اۋىلىنداعى ورتا مەكتەپتە مۇعالىم بولىپ جۇمىس ىستەگەن. ايلىعى ماردىمسىز بولعاسىن, انگلياعا كەتۋدى جوسپارلاعان كورىنەدى.

“2024 جىلدىڭ مامىر ايىندا كەلدىم. مەكتەپتەگى مۇعالىمدەردىڭ اسىرەسە جاس مامانداردىڭ جالاقىسى از ەكەنى بەلگىلى. ءۇش جىل مەكتەپتە جۇمىس ىستەپ ءجۇرىپ, تابىسىما كوڭىلىم تولمادى. سودان شەتەلدەن جۇمىس ىزدەدىم. انگليا تۋرالى دا ءبىراز اقپارات ىزدەپ, ۆيزا الىپ وسى ەلگە كەلدىم. قازىرگى جۇمىسىم – قۇلپىناي مەن تاڭقۋراي تەرۋ”, – دەدى نۇرزات.

حيت اندەردىڭ اۆتورى 2018 جىلدان بەرى قازاق ەستراداسىنا بەلگىلى انشىلەرمەن تانىسىپ, شىعارماشىلىق بايلانىس ورناتقان. اندەرىنىڭ باعاسىن دا جاسىرىپ قالمادى.

“اندەرىمنىڭ بارىنە اۆتورلىق قۇقىق راسىمدەلگەن. قازاق اۆتورلار قوعامىندا اندەرىم تىركەلگەن. اندەردىڭ باعاسى ارقالاي, ناقتى ءبىر سوما بەلگىلەنبەگەن. شامامەن ءبىر ءاندى 50 مىڭ تەڭگەمەن 100 مىڭ تەڭگە ارالىعىندا ساتىپ الادى. جالپى شىعارماشىلىقتا تابىس تۇراقسىز بولعاندىقتان, جالعىز قالاماقىمەن ەلىمىزدە كۇن كورۋ مۇمكىن ەمەس. نەسيەلەرىمدى جاۋىپ, قارىزدارىمنان قۇتىلسام, وسى جىلى كۇزدە ەلگە قايتامىن. شىعارماشىلىققا بەت بۇرامىن دەپ ايتا المايمىن, ولەڭ جازۋ, ءان شىعارۋ جاي عانا – حوببي”, – دەپ اعىنان جارىلدى اۆتور.

بۇگىندە اقىننىڭ كوپتەگەن اندەرىن كۇللى قازاق جاتقا بىلەدى. ءتىپتى, الەۋمەتتىك جەلىنىڭ ارقاسىندا شىعىس ازيا ەلدەرىنە دە تاراپ ۇلگەردى.

“حيتكە اينالعان “دوستارىم مەنىڭ زولوتوي” دەگەن ءاندى مەن جازعان جوقپىن. كەيبىر اقپارات قۇرالدارى قاتە جازىپ جىبەرىپتى. راحىمجان جاقايىمىمنىڭ «دوستارىم» دەگەن ءانىن جازدىم. ەكەۋى ەكى بولەك ءان. «18 بەن 25» ءانى YouTube-تا يۋتۋبتا ەڭ كوپ قارالىم جينادى. 2018 جىلى جارىق كورسە دە, ءالى كۇنگە دەيىن شىرقالادى. سول جىلدارى 90-جىلدارداعى اندەر حيت بولىپ تۇرعان ەدى. باعى جانىپ, كەرەمەت تۋىندىعا اينالدى. 2020 جىلى “سەن ماعان ماسسىڭ” دەگەن ءاندى شىعاردىق. جارىق كورگەن بويدا كەڭىنەن تارالدى. بۇگىندە قىتاي, تايلاند سياقتى شىعىس ازيا ەلدەرىندە ترەندتەگى اندەردىڭ ءبىرى ەكەن. ودان باسقا دا كوپتەگەن اندەرگە ءسوز جازدىم. انارا باتىرحان ورىندايتىن “قازاقتىڭ تويى بىتپەسىن”, گۇلميرا ءىزباسحانوۆا ورىنداپ جۇرگەن «كوك جيگۋلي» ءانىنىڭ قازاقشا نۇسقاداعى ءماتىنىن جازىپ بەردىم. اباي بەگەيدىڭ «قۇرالاي» «مەلوديا» دەگەن اندەرىنىڭ اۆتورىمىن. 2014 جىلى “ال داۆاي” دەگەن توپ بولاتىن. سونىڭ  «بيلە» «ساعىندىم سەنى» دەگەن اندەرىن جازعانمىن. “دومينو” توبىنىڭ «گۇلبانۋ» دەگەن ءانى دە مەنىكى. ودان بولەك نۇرسۇلتان نۇربەرديەۆ, احان وتىنشيەۆ, التىنبەك تاشىمبەتوۆ سياقتى «ۋكراينا داۋىسى» جوباسىنىڭ ءفيناليستى ديليارا ديدارمەن الي وقاپوۆتىڭ دۋەت ءانىنىڭ ءماتىن اۆتورىمىن”, – دەدى نۇرزات.