KО́KPEKTI-SAMAR-VASILEVKA TASJOLYNYŃ BIR BО́LIGIN SÝ ShAIYP KETTI

Shyǵys Qazaqstanda oblystyq mańyzdaǵy Kókpekti-Samar-Vasılevka tasjolynyń bir bóligin sý shaıyp ketti,

Qazir jol qatynasyn qalypqa keltirý jumysy júrip jatyr. Osyǵan deıin Samar aýdanynda Qaraótkel-Kókjota aýyly arasyn da sý basyp qalǵan edi. Qazir ol baǵyttaǵy jol ashyldy. Jalpy aýdanda qarǵyn sýdan eldi mekenderge qaýip tónip turǵan joq. Mundaǵy Laıly sý qoımasy da shtattyq rejimde jumys istep tur. Kókpekti-Samar-Vasılevka baǵytyndaǵy jol eki aýdandy jáne Shyǵys Qazaqstan men Abaı oblysyn baılanystyrady. Joldyń qazirgi jaǵdaıy osyndaı. Mundaǵy dıametri 1,5 metrlik qubyrdyń sýdy ótkizýge qýaty jetpeı qaldy.

Qarǵyn sý jol jabynyn shaıyp ketti. Qazir jumysshylar brıgadasy ýchaskeni jóndep jatyr. Murat Muhametjanov, Samar aýdany ákiminiń orynbasary: — Sý ótkizetin sý qubyry kóp qar sýy kelgenge tótep bere almaǵandyqtan, jol shaıylyp ketti. Búgingi kúni qalyptastyrý jumystary júrgizilip jatyr. Jýyq arada jol qatynasy qaıta ashylyp, jalǵasady. Aýyldarǵa topan sýdan ázer qater tónip turǵan joq deıdi, – mamandar. Degenmen el irgedegi Laıly sý qoımasynan qaýiptenip otyr. Elmıra Ahmetova, tilshi: — Bul – el shyǵysyndaǵy eń qaýipti «Laıly» sý qoımasy. Aýmaǵyna 770 000 tekshe metr sý syıady. Nege qaýipti deseńiz, sý qoımasynyń dáp eteginde bútin bir Samar aýyly tur. Osydan 14 jyl buryn joıqyn tasqyn bolyp bógetti buzyp, osy aýyldy sý shaıyp ketken edi. Bıylǵy jaǵdaı turaqty, – deıdi mamandar. О́ıtkeni jan-jaqtan jınalǵan qar sýy aqyryndap tómengi sýaǵarlarmen ótip jatyr. Qazir sý qoımasy sýǵa toldy. Biraq shektik mólsherden asqan joq. Shtattyq rejimde jumys istep tur.

Degenmen arqany keńge salýǵa bolmaıdy. Sondyqtan qutqarýshylar da, atqarýshy organ da kez kelgen jaǵdaıǵa daıyn tur. Áset Seıilqumarov, Samar aýdany TJB bastyǵy: — Qazirgi ýaqytqa qaýip tolyq joq dep aıtýǵa bolmaıdy, saı-saıdyń ishi, taýlardyń bárinde áli óte kóp qar jatyr, qazirgi ýaqytqa qardyń bıiktigi – 40 mm, al Qazgıdromet málimeti boıynsha jerdiń qatýy – 63 sm. Samar aýylynda 6 myńǵa jýyq adam turady. Laıly ózeni aýyl ishinen ótedi. Arnasy ashyq. 12 shaqyrym aryq tazalanyp, sý ótkizý qubyrlary da qalypqa keltirildi. Inertti materıaldar da daıyn. Mamandar kún kúrt jylynyp ketýi múmkin dep alańdaýly. Marat Dúsipov, Samar aýyldyq okrýginiń ákimi: — Aýa raıy da qolaısyz bop tur, kúndiz de jyly, túnde de aıaz joq, mine, plıýs 2 bolyp tur qazirgi tańda, bul qaýipti kúsheıte túsedi. Munda tasqyn bola qalǵan jaǵdaıda 300-ge jýyq adamdy qaýipsiz jerge kóshire alady. Ol úshin bilim oshaqtary men kolledj jataqhanasy jabdyqtalǵan.