Kókshetaý qalasyna 1 mıllıard teńgeden astam qarjy bóldi

Foto: ashyq derekkóz

Memleket basshysy Qasym-Jomart Toqaevtyń ınjenerlik jeliler men jylý kózderiniń tozýyn azaıtý jónindegi tapsyrmalaryn júzege asyrý sheńberinde Aqmola oblysy Kókshetaý qalasyndaǵy jylý kózinde jóndeý jumystaryn júrgizý úshin Úkimet rezervinen shamamen 1,1 mlrd teńge bólindi. Tıisti qaýlyǵa Premer-Mınıstr Oljas Bektenov qol qoıdy,  dep habarlaıdy qandastar.kz

Qujatqa sáıkes, 2025-2026 jyldarǵa arnalǵan jylý berý maýsymyna daıyndyq jáne kezeńniń irkilissiz ótýin qamtamasyz etý maqsatynda Kókshetaý qalasynyń jylý kózinde (AQ-2) jóndeý jumystaryn júrgizý úshin Aqmola oblysynyń bıýdjetine qarajat aýdarylady.

Bólingen qarajat «Kókshetaý jylý» kásipornynyń tehnologııalyq proesterdi basqarýdyń avtomattandyrylǵan júıesin jáne baqylaý-ólsheý aspaptarynyń dalalyq deńgeıin jáne sý jylytatyn tozań kómir qazandyǵynyń avtomatıkasyn, sondaı-aq qazandyq agregatynyń qyzdyrý betterin rekonstrýkııalaý, qazandyq agregatynyń aýa jylytqyshtarynyń tekshelerin jóndeý, tehnologııalyq resýrsy taýsylǵan jabdyqtardyń birlikterin jóndeý jáne aýystyrý jónindegi jobalardy júzege asyrýǵa baǵyttalady.

Eske sala keteıik, Kókshetaý qalasynyń nysandaryn jylýmen jabdyqtaý №1 aýdandyq qazandyq (mazýt) jáne №2 aýdandyq qazandyqtary (kómir) arqyly júzege asyrylady. Alaıda jylýmen qamtamasyz etýdiń negizgi kózi tozań kómirmen jumys isteıtin №2 aýdandyq qazandyǵy bolyp qala beredi. Jylý jelileriniń jalpy uzyndyǵy 188,7 shaqyrym ( 51 shaqyrym – magıstraldy, 137,7 shaqyrym – oramishilik). Jelilerdiń negizgi bóligi 1977 jyldan beri jumys istep tur.

2024 jyly Úkimet rezervinen bólingen qarajat esebinen uzyndyǵy 6 shaqyrym magıstraldy jeli jóndeldi, sondaı-aq № 2 jáne № 3 qazandyq agregattaryna jóndeý júrgizildi. Nátıjesinde, aǵymdaǵy jylytý kezeńinde tozý kórsetkishi 45%-dan 43%-ǵa deıin tómendedi, jylý jelilerindegi tehnologııalyq buzylýlar sany 62-den 47-ge deıin azaıdy.