جاڭالىقتار
كوكشەتاۋدا 2 بويجەتكەندى كولىك قاعىپ كەتتى
25 تامىز كۇنى كوكشەتاۋ قالاسى زاستانتسيوننىي كەنتىندەگى «شانحاي» شاعىن اۋدانىندا جەڭىل كولىك ەكى قىزدى قاعىپ كەتتى, دەپ حابارلايدى Qandastar.kz
«Halyqstan» Telegram-ارناسىنىڭ حابارلاۋىنشا, جەلىدە جول-كولىك وقيعاسىنىڭ بەينەجازباعا ءتۇسىپ قالعان ءساتى تارادى. وندا قىزدار جولدى رۇقسات ەتىلمەگەن جەردەن جۇگىرىپ بارا جاتقان.
جەرگىلىكتى تۇرعىنداردىڭ ايتۋىنشا, كەنتتە كولىك ينفراقۇرىلىمى ناشار دامىعان. «جول كەدەرگىلەرى» دە, بەلگىلەر دە جوق.
پوليتسيا دەپارتامەنتىنىڭ مالىمەتىنشە, وقيعا ورنىنا جەدەل تۇردە پاترۋلدىك قىزمەت كەلگەن.
«قازىر بولعان وقيعانىڭ بارلىق ءمان-جايى انىقتالۋدا. تەكسەرۋ اياقتالعان سوڭ قوسىمشا اقپارات بەرىلىپ, قولدانىستاعى زاڭناماعا سايكەس شارالار قابىلدانادى», — دەپ حابارلادى وبلىستىق پد.
زارداپ شەككەندەردىڭ جاعدايى ازىرگە حابارلانعان جوق.
