Kókshetaýda naýqastyń ata-anasy dárigerlerge shabýyl jasady

Foto: vıdeodan kadr

Aqmola oblysynda aýrýhanaǵa jetkizilgen 3 jastaǵy balanyń ata-anasy medıına qyzmetkerlerine shabýyl jasady. Oqys jaǵdaı senbi kúni medıına mekemesiniń jansaqtaý bóliminde bolǵan, dep habarlaıdy qandastar.kz aqparat portaly Nayza Kokshe paraqshasyna silteme jasap habarlaıdy.

18 qańtar kúni saǵat 16:00 shamasynda 3 jastaǵy bala qansyrap jatqan kúıde aýrýhanaǵa jetkizildi. Ata-anasynyń aıtýynsha, úıde balanyń ústine alasa shkaf qulap ketken. Jaǵdaıdyń qalaı bolǵany belgisiz, biraq balanyń úsh saýsaǵy janshylyp, teriniń jyrtylǵan jerinen tyrnaǵy salbyrap qalǵan.

“Ata-anasynyń aıtýynsha, balanyń úsh saýsaǵy shkaftyń astynda qalyp qoıǵan. Saýsaq úgilip, terisi alynyp qalǵan. Kesilgen saýsaqtardy qalpyna keltirý tehnıkalyq turǵydan múmkin emes edi. Gangrenanyń aldyn alý úshin janshylyp qalǵan úsh saýsaqtyń ushyn ampýtaııalaý kerek boldy”, – deıdi travmatolog dáriger Meıram Dúısekeev.

Dárigerler balanyń ata-anasyna ampýtaııa jasalatyny týraly eskertken. Alaıda olar muny qabyldaýdan bas tartqan. Anasy dárigermen sóz talastyryp, sońynda pernetaqtasyn laqtyryp, qaǵazdaryn shashyp ketken.

Balaǵa shuǵyl ota jasaý úshin anestezıolog Elaman Tájenov shaqyrylǵan. Otaǵa bara jatqan anestezıologty balanyń áke-sheshesi ustap alyp, balaǵattap, qorlaı bastaǵan. Tajenovtyń aıtýynsha, balanyń ata-anasynan ota kezinde narkoz qoldanýǵa ruqsat alǵan. Ota aıaqtalǵan soń anestezıolog Elaman Tájenov erli-zaıyptyny shaqyryp alyp, olarǵa narkozdan keıin balaǵa qandaı kútim jasaý keregin túsindirýge tyrysqan. Alaıda erli-zaıypty dárigerdiń sózderin qulaǵyna da ilmegen.

“Olar eki ret jansaqtaý bólimine basyp kirdi. Olardy kórgen bala, árıne jylady. Erli-zaıypty aýrýhanany basyna kóterip, aıǵaılap, jansaqtaý bóliminiń esigin syndyrdy, meıirgerlerdi ıtergen. Áıel maǵan shabýyl jasap, keýdemnen urdy”, – deıdi Elaman Tájenov.

Aýrýhanada shý shyǵarǵan erli-zaıyptyny ınspektor da sabasyna túsire almaǵan. Keıin medıına qyzmetkerleri polıııa shaqyrýǵa májbúr boldy.

Dárigerler balany palataǵa aýystyryp, erli-zaıyptynyń ústinen shaǵym túsirgen.