Kókshetaýda jastarmen kezdesý ótti

Is-shara QR Aqparat jáne qoǵamdyq damý mınıstrligi men Azamattyq bastamalardy qoldaý ortalyǵynyń qoldaýymen «Adyrna» UEB» QQ «Jastardy áleýmettendirý jáne ońaltý» jobasy aıasynda boldy. Onda NEET sanatyndaǵy jastardy elimizdiń áleýmettik-ekonomıkalyq ómirine tartý máseleleri qarastyryldy.

Is-shara “Jastardy áleýmettendirý jáne ońaltý” jobasy aıasynda ótti. Ataýly joba NEET sanatyndaǵy jastar arasyndaǵy qarym-qatynasty nyǵaıtyp, olardy damytý ıdeıalaryn talqylap, jobalyq keńse tarapynan jastarǵa kómek berý jáne kásibı baǵdarlaý túrlerin zerttep, NEET jastarynyń qordalanǵan máseleleriniń sheshý joldaryn qarastyrýǵa baǵyttalǵan.

Is-sharanyń maqsaty – jastardy jigerlendirý, yntalandyrý jáne olardyń shyǵarmashylyq áleýetin damytý.

Is-shara basty spıkeri Qazaqstan Jazýshylar Odaǵynyń múshesi, aqyn, jazýshy, Sh. Ýálıhanov atyndaǵy Kókshetaý ýnıversıtetiniń qaýymdastyrylǵan professory  – Erbolat Baıatuly boldy. Kezdesý barysynda ol bilim berý proesine jáne jumyspen qamtýǵa tartylmaǵan jastarǵa mansap jáne jeke ósý úshin ómirlik daǵdylaryn damytýdaǵy tájirıbelerimen bólisti.

Kezdesý barysynda búgingi kúni eńbek naryǵyndaǵy qajetti mamandyqtar máselesi jáne qaı salany belsendi damytý kerektigi, kásipkerdiń boıyna qajetti daǵdylary, jastarǵa berilgen múmkindik pen sony qalaı durys paıdalaný kerektigi jaıynda sóz boldy.